Барыгытын «Мэҥэ Хаҥалас улууһа» муниципальнай оройуон дьаһалтатын, үтүө үлэһит дьонун, улуус дьокутааттарын Сэбиэтин ааттарыттан – Билии күнүнэн уонна саҥа үөрэх дьыла саҕаламмытынан итиитик-истиҥник эҕэрдэлиибит!
Балаҕан ыйын 1 күнэ – ытык бырааһынньык. Бу күн хас биирдии киһиэхэ, оскуоланы бүтэрбиппит да иһин, мэлдьи сылаас өйдөбүллээх, үөрүү-көтүү аргыстаах буолар. Кини билии сардаҥатын, үөрэх үрдүк суолтатын, үйэ тухары сайдыы кэскилин түстүүр.
Үөрэх, билии – сүдү баай, уйгулаах олох төрдө буолар. Хас биирдии киһи олоҕор ситиһиитэ билиини ылбыт, үөрэммит оскуолатыттан саҕаланар. Бу кэмҥэ өйгүн-санааҕын, сатабылгын уһугуннаран-сайыннаран, сөбүлүүр идэҕин, дьарыккын талыы – бу үөрэнээччи улахан суолталаах кэрдиис кэмэ.
Онон ыччаттарбыт билии-көрүү, өй-санаа, эт-хаан өттүнэн дьоҕурдарын, ис кыахтарын сайыннарыы, төрүт үгэстэргэ сыһыарыы, хас биирдии үөрэнээччи
идэтин таба талан, төрөөбүт дойдутун таптыыр, ытыктыыр, үтүө дьон үүнэн тахсалларыгар сөптөөх үлэни тэрийии биһиги сүрүн сорукпутунан буолар.
Күндү үөрэнээччилэрбит, учууталларбыт, төрөппүттэр хас биирдиигитигэр айымньылаах, таһаарыылаах үөрэҕи, үлэни, үгүс ситиһиини, дьиэ кэргэҥҥитигэр чэгиэн-чэбдик туругу, этэҥҥэ буолууну баҕарабыт!
Кэнчээри ыччаппыт, киэҥ билиилээх-көрүүлээх, дэгиттэр сайдыылаах, норуоппут үгэһигэр харыстабыллаахтык сыһыаннаһар, төрөөбүт дойдубут инники сайдыытын уһансар кыахтаах үлэһит дьон буола буһан-хатан тахсан, улууспут, өрөспүүбүлүкэбит үтүө аатын ааттатыҥ.
Эҕэрдэни кытта,
улуус баһылыга Дмитрий Тихонов,
оройуон дьокутааттарын Сэбиэтин бэрэссэдээтэлэ Иннокентий Андросов