Бүтүн Арассыыйатааҕы «Үрүҥ торуоска» аахсыйа чэрчитинэн И.М.Сосин аатынан улуустааҕы киин бибилэтиэкэҕэ сэтинньи 21 күнүгэр брейн-ринг оонньуу тэрийэн ыыттылар.
Бу тэрээһиҥҥэ көрбөттөр уонна истибэттэр уопсастыбаларын доруобуйаларынан хааччахтаах дьон үс хамаандаҕа арахсан оонньоотулар, билиилэрин тургутустулар. Үс түһүмэхтээх бэрт сэргэх өй-санаа күрэхтэһиитин бибилэтиэкэ исписэлииһэ Капиталина Игнатьева сайалан ыытта, икки уопсастыба бэрэссэдээтэллэрэ Александра Назарова, Иван Семенов судьуйалаатылар.
Тэрээһин түмүгүнэн Николай Потапов уонна Василий Алексеев – «Эрэл» хамаанда эрэллээхтик кыайдылар.
Иккис миэстэни Марфа Алексеева, Александра Рожина – «Саһарҕа», үһүс Лидия Сивцева Любовь Дьячкова – «Кустук» хамаандалара ыллылар.
«Түгэнинэн туһанан куруук өйүүр, көмөлөһөр бибилэтиэкэ кэлэктиибигэр махталбын тиэрдэбин», – диэн улуустааҕы көрбөттөр уопсастыбаларын бэрэссэдээтэлэ Иван Петрович эттэ.
