Муус устар 27 күнүгэр 1922 сыллаахха Саха Автономнай Сэбиэскэй Социалистическай Өрөспүүбүлүкэтэ төрүттэммит уонна 1992 сыллаахха Төрүт Сокуоммут — Конституциябыт ылыллыбыт күннэринэн — икки бэлиэ даатанан, Өрөспүүбүлүкэбит Күнүнэн — бука барыгытын итиитик-истиҥник эҕэрдэлиибит!
Бу бэлиэ, историческай түгэннэр өрөспүүбүлүкэбит инники дьылҕатыгар туох оруоллаахтарын хас биирдиибит чугастык ылынабыт, сыаналыыбыт. Улуу убайдарбыт олохторун толук ууран туран көмүскээбит ситиһиилэрин хас да көлүөнэ салайааччылар үрдүктүк тутан, чиэстээхтик сүгэн, туруулаһан кэллилэр. Кинилэр истэригэр киэн тутта ааттыыбыт биир дойдулаахтарбытын Кузьма Осипович Гавриловы, Семен Захарович Борисовы, Владимир Петрович Ларионовы. Арассыыйа биир быстыспат сорҕото буоламмыт, автономияланан, кэлин бэйэбит Конституцияланан, судаарыстыбаннай тутулу бигэргэтэр сокуоннанан, дьаралыктанан, былаас уорганнарын тэринэн олорбуппут сүүстэн тахса сыл буолла. Маны барытын кэлэр көлүөнэ ыччаппытыгар иҥэрии — биһиги ытык иэспит. Сыллар-хонуктар ааһыахтара, ол эрээри бу бэлиэ дааталар хаһан да умнуллуохтара суоҕа, өссө чиҥээн, дириҥник иҥиэхтэрэ хас биирдиибит сүрэҕэр. Бэйэбит үлэбитинэн-хамнаспытынан, ситиһиибитнэн дойдубут тутулун күүһүрдэ туруоҕуҥ, буола турар араас уустуктарга бэриммэккэ, иннибит диэки эрэллээхтик хардыылаан иһиэҕиҥ!
Истиҥ эҕэрдэни кытта, норуот дьокутааттара Андрей НАХОДКИН, Захар НИКИТИН.
