Быраас сүбэлиир
Респираторнай вируснай инфекциялар күhүн уонна саас элбиир. Ыарыыга ханнык баҕарар киhи сыстыан сөп. Ыалдьыбыт киһиттэн вирус салгыҥҥа тарҕанан доруобай киһи бэлэһигэр киирэн ыарытыннарар. Үксүгэр дьон аҕыйах күн ыалдьар, ол да буоллар улахан ыарахан ыарыыга кубулуйуон, өлүөххэ сөп.
Сыыстарыы тахсыбатын курдук эрдэттэн утары эмтэнэр көдьүүстээх. Респираторнай вируснай инфекцияттан харыстаныы биир сүрүн дьаhалынан быһыыны ылыы ‒ вакцинация буолар. Доруобуйа аан дойдутааҕы тэрилтэтэ бигэргэтэринэн, ыарыыттан харыстанар быһыыны ылыы туhаттан атыны аҕалбат. Вакцинацияны нэhилиэнньэ бары кэриэтэ араҥата: ордук 6 ыйдарыттан үөhээ саастаах оҕолор, ааhан-араҕан биэрбэт ыарыылаах дьон, нэhилиэнньэни хааччыйар эйгэ, тырааныспар, эмп уона оскуола тэрилтэлэрин үлэhиттэрэ, устудьуоннар ылаллара наада. Ыарыы өрө туруон 2‒3 нэдиэлэ иннинэ быһыы ылыллыахтаах.
Респираторнай вируснай инфекция өрө турбут кэмигэр маннык сэрэтэр дьаhаллары ылыахха: ыалдьыбыт дьону кытары алтыhартан туттунуохха. Дьон тоҕуоруhар сиригэр сылдьыы уонна уопсастыбаннай тырааныспарынан айаны кыччатыахха. Медицинскэй маасканы кэтиэххэ. Илиини сотору-сотору уонна кичэллээхтик мыыланан суунуохха эбэтэр анал убаҕастарынан соттуохха. Дьиэ иhин сииктээх тэрээпкэнэн сото, салгыта сылдьыахха. Чөл олоҕунан олоруохха (тото сөпкө аhыахха, утуйуохха, элбэхтик хамсаныахха).
Ыалдьыбыт киhи тугу гыныахтааҕый? Дьиэттэн тахсыбакка эрэ, суhаллык бырааhы ыҥырыахтаах. Респираторнай вируснай инфекцияттан бэйэ билэринэн эмтэниллибэт. Быраас эрэ ыарыыгын быhааран, эн доруобуйаҥ туругар уонна сааскар сөп түбэhэр эми аныыр. Быраас этиитин толоруҥ. Элбэхтик итии чэйи, отонноох муорсу, минеральнай уулары иһи, миини иһиҥ.
Эпидемическэй сезон саҕаланыыта буолан улууспут киин балыыhата балыыhаларга уонна поликлиникаларга мааска эрэсиимэ киирбитин биллэрэр, мааскалары кэтэргитин умнумаҥ.
Ирина Маркова, ыарыыны сэрэтэр дьаһал бырааhа.