Табаҕаҕа Капиталина Ивановна уонна Иван Кузьмич Бурнашевтар ааттарын сүгэр култуура дьиэтин кэлэктиибэ (салайааччы Бурнашева Елена Гаврильевна) араас тэрээһиннэри ыытар.
Улуу Кыайыы 80 сылыгар аналлаах «Кыайыы кыната» байыаннай ырыа бэстибээлэ ыам ыйын 6 күнүгэр ыытыллыбыта.
Ырыа ‒ олох аргыһа диэн мээнэҕэ эппэттэр. Ырыа сэрии кэмигэр саллааттар сүргэлэрин көтөхпүтэ, Кыайыыга кынаттаабыта диэн үгүстүк сэрии бэтэрээннэрин ахтыыларыгар истэрбит. Бу күн уһуйаан оҕолоруттан саҕалаан, оскуола оҕолоро, улахан дьон байыаннай ырыалары ыллаан дуораһыттылар. Кэнсиэр Капитолина Семенова «Оҕо саас өрөгөйүн ырыата» ырыа күрэһин кыайыылаахтара «Кэскил» уһуйаан иитиллээччилэрэ толорууларынан арылынна. Хуору Капитолина Семенова аатыгар ыытыллыбыт өрөспүүбүлүкэтээҕи «Ырыа ыллыгынан» ырыа күрэһин кылаан кыайыылааҕа Марсель Александров таһаарда.
Бу күн араас ырыалар толорулуннулар. Дьахталлар «Алгыс» вокальнай ансаамбыл толоруутугар «Огонек», Табаҕатааҕы оҕо ускуустубатын оскуолатын тыйаатыр кылааһын үөрэнээччилэрэ (М.С.Белолюбская) Милиана Татаринова, Эвелина Порядина, Сандаара Брызгалова толорууларыгар «Отмените войну», уһуйаан иитиллээччилэрэ «Эйэ, дьол иһин», «Солнечный круг», «Оҕо саас», 7 кылаас үөрэнээччитэ Влада Черноградская «Кукушка», Марк Слепцов уһуйааччытынаан Матрена Сыромятниковалыын «Крейсер Аврора», 3 кылаас үөрэнээччилэрэ «Катюша», «Кэскил» уһуйаан уолаттара «Ат», Данил Алексеев, Вова Зыков «Служу России», Василиса Черноградская «Катюша», Ян Яковлев, Мирослав Порядин, Вася Зыков «Герой Попов», 4 кылаас үөрэнээччилэрэ «Шли солдаты на войну», Табаҕатааҕы оҕо ускуустубатын преподавателэ Матрена Сыромятникова «Ветеран убайбар», олохтоох ветеринария бырааһа Павел Слепцов «Ыам ыйын 9 күнэ» толорууларыгар иһиттибит. Кэнсиэр «Тыыннаахтар умнубат сыллара» хуорунан түмүктэннэ.
Талааннаах үлэһит Елена Александрова олус кыһаллан үлэлиир. СӨ култууратын үтүөлээх үлэһитэ П.П.Егоров саҕалаабыт, «Табаҕалар ыллыыллар» диэн ааттаппыт үрдүк таһымын эдэр талааннаах үлэһит Елена Александровна салҕыыр. Табаҕа хуорун салайан үрдүк таһымҥа сылдьаллар. «Кэскил» уһуйаан иитиллээччилэрин ырыаҕа музыкальнай салайааччы В.С.Уваровская уонна иитээччи М.В.Бурнашева бэлэмнээтилэр. Уһуйааммыт иитиллээччилэрэ араас таһымнаах куонкурустарга өрүү лауреат, дипломант аатын сүгэллэр. Виктория Степановна өр сыл уһуйааҥҥа оҕолору ырыа кэрэ алыбар уһуйар. Дьарыктарга оҕолор астына дьарыктаналлар. Оҕолор санаалара көтөҕүллэн, үөрэн-көтөн тарҕастылар.
Лидия Баянакова. Табаҕа
