Бэс ыйын 10 күнүгэр Төҥүлү нэһилиэгин бибилэтиэкэтигэр улууска кыраайы үөрэтээччилэр кэмиэрчэскэйэ суох тэрилтэлэрин тэрийиитинэн «Лекторскай күн» ыытылынна.
Кыраайы үөрэтээччилэр Иван Тарабукин Ракитин генерал сэриитин, АлСиб устуоруйатын, Петр Тихонов ‒ Тэрчи Д.И.Слепцов кулуба, Андрей Стручков Мэҥэ улууһун төрүччүтүн туһунан тиэмэлэргэ мустубут дьоҥҥо сиһилии билиһиннэрдилэр.
Улуус устуоруйатын викторинатыгар Тумултан Елена Куличкина бастаата.
Кэммиэрчэскэйэ суох тэрилтэ үлэтин туһунан эппиэттиир сэкирэтээр Александр Эверстов билиһиннэрдэ.
Түмүккэ М.Горькай аатынан сопхуос сиригэр аҕыс нэһилиэк кыраайы үөрэтээччилэрин түмсүүтүн салайааччытынан Төҥүлү түмэлин сэбиэдиссэйэ Иван Тарабукин талылынна. Инникитин атын сопхуостар сирдэригэр холбоһуктар тэриллиэхтэрэ. Нэһилиэнньэҕэ улуус устуоруйатыгар билиини тарҕатар кэпсэтиилэр ыытыллыахтара.
Татьяна АРТЕМЬЕВА.