Тохсунньу 31 күнүгэр Нөөрүктээйи модельнай саҥа көлүөнэ бибилэтиэкэтигэр «Герасим Иванович Соловьев уонна кини удьуордара» кинигэни билиһиннэрэн устуоруйаны интэриэһиргиир дьоҥҥо уонна краеведтарга анаан салоннай көрсүһүү буолан ааста.
Кинигэҕэ үлэлэспит Октябрина Дмитриева, Олеся Антонова, Виталий Аммосов кыттыыны ыллылар. Тэрээһиҥҥэ сылдьыбыт дьон олус үчүгэй ис хоһоонноох тэрээһин буолан ааспытын бэлиэтээтилэр, устуоруйабыт сааһыламмыт кинигэлэригэр тирэҕирэн чинчийэр үлэлэри салгыы ыытан, нэһилиэк таһымнаах араас көрүҥүнэн тахсалларыгар, дьон биһирэбитин ылалларыгар баҕа санааларын тиэртилэр.
Нина Колосова. Нөөрүктээйи