Балаҕан ыйын 23 күнүгэр 1-кы Баатара нэһилиэгэр Мэҥэ Хаҥаласка оҕо успуордун оскуолатыттан тустууга бастакы ССРС успуордун маастара Егор Иннокентьевич Санников бирииһигэр 21-с төгүлүн аһаҕас турнир ыытылынна.
Барыта өрөспүүбүлүкэ араас муннуктарыттан 198 тахса оҕо кэлэн күрэхтэстэ. Күрэхтэһии үөрүүлээх аһыллыытыгар нэһилиэк баһылыга Петр Андросов, улуус успуорка уонна физическэй култуураҕа управлениетын салайааччыта Алексей Попов, маастар Егор Санников тыл эттилэр.
Тыҥааһыннаах күрэхтэһии түмүгүнэн сылларынан 12 ыйааһыҥҥа миэстэлэспит оҕолор нэһилиэк тэрилтэлэрэ, урбаанньыттара, доҕотторо, бииргэ үөрэммит оҕолоро туруорбут харчынан бириэмийэни, бириистэри, мэтээл, грамота, куубак ылан үөрэн-көтөн тарҕастылар.
Бүгүҥҥү күн биир уратытынан хапсаҕайга икки ыйааһыҥҥа абсолютнай кыайыылааҕы быһаарыы күрэхтэһиини сытыырхатта. Ыйааһыннарынан бастаабыт уолаттар Егор Иннокентьевич доҕоро нэһилиэк ОДьКХ салайааччыта Владимир Сергучев, быраата Иван Иннокентьевич Санников туруорбут бириистэрин ‒ 2026 сыллаах ньирэй сэртипикээттэрин илиилэригэр туттулар.
Тэрээһин ыытылларыгар, бириискэ күүс-көмө буолбут Л.С.Харитонова салайааччылаах оскуола-саад, В.Н.Сергучев салайааччылаах ОДьКХ, Ю.С.Попов салайааччылаах 5 нүөмэрдээх насоснай станция, Д.Е.Захаров салайааччылаах СТНГ, С В.Егорова салайааччылаах ветпуун, Г.В.Слепцов салайааччылаах ФАП кэлэктииптэригэр, почта салайааччыта Л.Е.Баишеваҕа, урбаанньыттарбытыгар «Баатара» маҕаһыын О.Н.Сергучеваҕа, ИП КФХ Г.П.Поповка, олохтоох тырахтарыыстарга, 1977 с. выпусктарга, «Байылыат» маҕаһыын П.К.Аргуновка, нэһилиэк кураатарыгар Д.И.Аргуновка, Алена Михайловна, Иннокентий Дмитриевич Сергучевтарга, Хорообуттан аймахтара Анна Иннокентьевна Скрябина дьиэ кэргэнигэр, Егор Иннокентьевич доҕотторо П.Н.Дьячковскайга, В Е.Соловьевка, П.П.Васильевка, А.А.Захаровка, итии аһынан хааччыйбыт оскуола кэлэктиибигэр, Н.Н.Соловьеваҕа, С.В.Атласоваҕа, Р.Н.Аргуноваҕа, А.И.Прокопьеваҕа, 11 кылаас оҕолоругар, төрөппүттэригэр бука барыгытыгар олохтоох дьаһалта аатыттан махтанабыт. Өрүү маннык түмсүүлээх, кыайыылаах буолуоҕуҥ.
Марина Яковлева.
