«СПОРТИВНЫЕ ЯКУТЯНЕ» өрөспүүбүлүкэтээҕи күрэхтэһиигэ мас тардыһыы көрүҥэр — Мэҥэ Хаҥалас хамаандата чөмпүйүөн

Бэс ыйын 6-10 күннэригэр «СПОРТИВНЫЕ ЯКУТЯНЕ» өрөспүүбүлүкэтээҕи күрэхтэһии ыытылла турар. Саха сирин эдэр спортсменнарын түмэр, чаҕылхай күрэс буолар. Мин манна мас тардыһыы көрүҥэр кыттыыны ыллым. Күрэхтэһэ кэлбит оҕо ахсаана 215, барыта өрөспүүбүлүкэ 23 хамаандатыттан эдэр мадьынылар күүстээхтэрин быһаардылар. «Модун» спорткомплекска икки күн устата күүстээх киирсиһиилэр буоллулар. Манна биһиги мас тардыһыы көрүҥэр Мэҥэ Хаҥалас оҕолоро улууспут туһугар туох баар күүспүтүн, санаабытын ууран туран бастакы 🏆миэстэ буолан ситиһиини аҕаллыбыт. Аны билигин уопсай түмүгү эрэллээхтик күүтэбит уонна бочуоттаах миэстэни ылыахпыт диэн эрэнэбит!

 

Анжела Бурнашева, «Мэҥэбил» пресс-киин кэрэспэдьиэнэ, В.П.Ларионов аатынан Майа орто оскуолата