Бу күннэргэ Майа дьаһалтатын уонна дьаһалта хаһаайыстыбаннай тэрилтэтин эр дьоно сааскы халаан уутун ыытарга ханаабалары дириҥэтэр, чөлүгэр түһэрэр үлэни тэрийэ сылдьаллар.
Уолаттар үлэлэрин грейдэр, погрузчик көмөтүнэн Алданскай уулуссаттан саҕалаатылар.
Дмитрий Игнатьев, «Майа сэлиэнньэтэ» тыа сирин түөлбэтин баһылыгын бастакы солбуйааччы:
-Сааскы халаан уута дьон олоҕор кутталы, кыһалҕаны үөскэппэтин туһугар сыллата күһүн былааннаах үлэни тэрийэбит. Сэлиэнньэбит дьоно туора турбакка, олус көхтөөхтүк тэҥҥэ үлэлииллэр. Дьиэлэрин иннин хомуна, өрүү көрө-истэ сылдьаллара уолаттар үлэлэригэр күүс-көмө буолар.
Маны тэҥэ Майа 13 сүрүн уулуссаларыгар дьаамалары өрөмүөннээһин бара турар. Манна урбаанньыт Семен Новгородов ылсан үлэлии сылдьар, – диэн иһитиннэрдэ.
Иван Лукин.
oplus_262144
oplus_262144
oplus_262144
oplus_262144
oplus_262144
oplus_262144