Кулун тутар 5 күнүгэр Аллараа Бэстээххэ «Парус» успуорт комплекска остуол оонньууларыгар оскуола оҕолоругар сүүмэрдиир, квалификационнай күрэхтэһии буолан ааста.
Барыта 39 оҕо, ол быыһыгар 2 успуорт маастара илин-кэлин былдьастылар. Оҕолору улуустааҕы үөрэх управлениетын исписэлииһэ Милан Илларионов, сүрүн судьуйа Иннокентий Максимов эҕэрдэлээтилэр, улуус федерациятын толорооччу дириэктэрэ Анатолий Иванов сулус, умсаах, күөрэгэй, троеборье, 7-лээх хаамыска курдук уустук оонньууларга маастар-кылааһы көрдөрдө.
Күрэхтэһии 5 бөлөҕүнэн ыытыллан улуус чиэһин өрөспүүбүлүкэ таһымыгар көмүскүүр хамаанда быһаарылынна.
Элбэх оҕо юношескай, икки оҕо спортивнай разряд нормативтарын толорон салгыы сайдыыга кынаттаннылар.
Екатерина Попова. Бэдьимэ
