Атырдьах ыйын 29 күнүгэр В.П.Ларионов аатынан Майа орто оскуолатыгар ыалдьыттар кэлэн бардылар.
Күндү ыалдьыт буолан Майа орто оскуолатыгар завуһунан, дириэктэринэн, история учууталынан үлэлээбит, Саха АССР Үөрэҕин министиэристибэтигэр, Мэҥэ Хаҥалас райОНО-гар иниспиэктэрдээбит Тимофей Павлович Попов уонна математика учуутала Варвара Ивановна Макарова улахан уоллара Иван Тимофеевич кэргэниниин Зоя Михайловналыын, кыра кийииттэрэ Антонина Семеновна Попова уолунуун Павел Васильевич Поповтуун кэлэн бардылар.
Ийэлээх аҕаларыгар буклет оҥорбуттарын, ийэлэрин ахтыы кинигэтин, хоһоонун хомуурунньугун, дьиэ кэргэн архыыбыттан матырыйааллары мусуойга бэлэх ууннулар. Ыалдьыттары дириэктэри иитэр үлэҕэ солбуйааччы Маргариат Афанасьева, мусуой сэбиэдиссэйэ Ирина Маркова, мусуой актыбыыстара, 8 «в» кылаас үөрэнээччилэрэ Вика Баишева, Маша Аржакова көрүстулэр, сандалы остуол тула олорон ирэ-хоро кэпсэттилэр. Автоэкскурсия кэмигэр ыалдьыттарбыт Майа тупсубутун, күнтэн күн киэркэйэн иһэрин бэлиэтии көрдүлэр.
Ирина Маркова.
