Сэтинньи 26 күнүгэр Ф.Г.Охлопков аатынан Майа орто оскуолатыгар «Өбүгэ быстыспат ситимэ: уруйдаах Олоҥхо, дьүрүһүйэр Хомус» Олоҥхо дэкээдэтин чэрчитинэн «Олоҥхону дорҕоонноохтук ааҕабыт» диэн 5‒8 кылаастар икки ардыларыгар олоҥхону хоһоонноохтук ааҕыы ыытылынна.
Уопсайа 15 оҕо күрэстэстэ. Олоҥхону аахпыттарын кэннэ олоҥхоһуттар хамаандаларга араҕыстылар уонна «Ньургун Боотур» хартыынаны хомуйдулар.
Кыайыылаах үрдүк аатын 5‒6 кылаастарга Тимур Митрофанов 6 «а», Лиана Аргунова 6 «а», Стас Ноговицын 5 «а», Амелия Аргунова 5 «а», оттон 7‒8 кылаастарга Сайаана Игнатьева 7 «б», Вика Трофимова 8 «б», Ян Соломонов 8 «б», Аня Ноговицына 7 «а» ыллылар.
Туоһу суруктары Артемий Саввин 6 «б», Нарияна Холмогорова 6 «б», Айсен Долгунов 5 «б», Настя Бандерова 5 «б», Вася Шарин 8 «а», Олег Афанасьев 8 «а», Наташа Антонова 7 «б», Петя Лукачевский 7 «а» кылаастартан туттулар.
Дарина Андросова, Снежана Яковлева, 8 «а» кылаас, Ф.Г. Охлопков аатынан Майа орто оскуолата.
