Николай Попов, Хаптаҕай нэһилиэгин бочуоттаах олохтооҕо, СӨ “Сир сыһыаннаһыыларын сайдыытыгар кылаатын иһин” бэлиэлээх, нэһилиэк дьокутаата.
‒ Мэҥэ Хаҥалас улууһун олохтоохторо “Эркээйи» хаһыаппытын олус сыаналыыбыт. Улуус иһинээҕи олоҕу сырдатара, биирдии ыалынан тиксэриллэрэ биһигини кырдьаҕастары олус үөрдэр, сэргэхситэр.
Нэһилиэктэртэн киирэр сонуннар тиһигин быспакка тахсаллар. Ону таһынан, өрөспүүбүлүкэбит улуустарыттан сонуннар бэчээттэнэн, ханна туох саҥа ситиһиилэр баар буолбуттарын билэ олорорбут кэрэхсэбиллээх. Хаһыаппытын дьиэ кэргэнинэн бары ааҕабыт, мунньабыт. Кэтэһиилээх ыалдьыппыт кини буолар.