Дьокуускай куоракка “Северное сияние” муус пааркаҕа М.П. Максимов аатынан “Мы – дети Севера” муус уонна хаар оҥоһук куораттааҕы VI аһаҕас куонкуруһа буолан ааста. Күрэхтэһии олунньу 27 күнүттэн кулун тутар 1 күнүгэр диэри ыытыллынна.
Куонкурус соруга – хаар-муус оҥоһук эдэр маастардарын сатабылын чочуйуу, үгэһи сайыннарыы, айар-тутар уопуту атастаһыы, ойуулуур-дьүһүннүүр кылаастар үөрэнээччилэрин айар көҕүн көҕүлээһин, дьон-сэргэ кыһыҥҥы-сааскы култуурунай сынньалаҥын өйөөһүн.
Барыта 16 хамаанда – 11 – 18 саастаах 36 оҕо кытынна. Биһиги В.П.Ларионов аатынан Майа орто оскуолатыттан Айастаан Петухов, 7 «в» кылаас үөрэнээччитэ кытынна. Түмүккэ:
2 миэстэ- Петухов Айастан, Алиева Рада (Лоомтука) буоллулар.
Хаар оҥоһуктара — «Кынаттаах хачыаллар» («Крылатые качели»)
Салайааччылара: Петухов Петр Александрович.
Айастааҥҥа улахан ситиһиитинэн истиҥ эҕэрдэ буоллун! Инникитин өссө да ситиһиилэр кэлэ турдуннар!
#СААС
#школьныеновости
#оскуоламсонуна #МедиашколыКэскил #ДвижениеПервых
#НавигаторыДетства14
