Мэлдьэхси нэһилиэгэр Ленинскэй хомсомуол төрөөбүт күнүгэр аналлаах биэчэри тэрийэн ыыттым.
Кэлбит ыалдьыттар оскуола түмэлигэр баар буклеттары, хомсомуол устаабын, учетнай каартаны, араас сылларга «Оскуола ‒ производство ‒ үрдүк үөрэх» бачыымынан 1960‒1980 сылларга үлэлээбит оҕолор буклеттарын, ыччат комсомолскай пиэрмэлэр наҕараадаларын, вымпелларын көрдүлэр, ааспыт сыл араас тэрээһиннэрин видеороликка көрдүлэр.
Тэрээһин «Эн хомсомуол, мин дьолум» ырыаттан саҕаланна. Хомсомуол кэмнэрин ахтан викторина ыытылынна. Элбэх ыйытыыга Октябрина Шарина, Людмила Шарина хоруйдаатылар. Ааспыт сыллар маассабай оонньууларын ‒ шахта, былааты былдьаһыы, алдьаммыт төлөпүөн, паараны былдьаһыы, биһилэҕи кутуу, летка енька оонньоотулар, араас үҥкүүлэри үҥкүүлээтилэр. Көхтөөх оонньуулар кэннэ бириистэр туттарылыннылар, анал зонаҕа хаартыскаҕа түстүлэр.
Ретро муодаҕа Мария Охлопкова урукку кэмнээҕи кыһыҥҥы таҥаһы кэтэн көрдөрдө. Марианна Степанова «Көхтөөх кыттааччы» анал ааты ылан биһирэннэ.
Надежда Андросова. Мэлдьэхси
