Майаҕа анал байыаннай дьайыыга көмөлөспүт дьон бэлиэтэннилэр

Майаҕа “Дьол түһүлгэтэ” уопсастыбаннай кииҥҥэ ахсынньы 24 күнүгэр сылы түмүктүүр тэрээһин элбэх киһини хабан олус истиҥ эйгэҕэ ыытылынна. Манна 2023 сылга сэлиэнньэ түөлбэлэрин олоҕун сайдыытыгар улахан кылааттарын киллэрбит түөлбэлэр салайааччылара  уонна дойдубут көмүскэлигэр Анал байыаннай дьайыыга сылдьар байыастарбытыгар араас хайысхаларынан күүс-көмө буолбут дьон бэлиэтэннилэр.

Майа олохтоох дьаһалтатын баһылыгын социальнай бэлиитикэҕэ солбуйааччы Вячеслав Санников кэлэн иһэр Саҥа 2024 сылынан уопсастыбанньыктары итиитик-истиҥник эҕэрдэлээтэ уонна сүҥкэн көмөлөрүгэр махтанан туран наҕараадалары туттарда. “Мэҥэ Хаҥалас улууһа” МО баһылыгыттан Майа сэлиэнньэтин социальнай-экэнэмиичэскэй сайдыытыгар кылаатын, көхтөөх гражданскай позициятын иһин грамотанан, “Оройуон иннигэр үтүөлэрин иһин” анал бэлиэнэн итиэннэ сэлиэнньэ  уопсастыбаннай олоҕор көхтөөх кыттыытын, түөлбэ сайдарын туһугар бэриниилээх үлэтин иһин “Майа сэлиэнньэтэ” тыа сирин түөлбэтин баһылыгын Махтал суругунан үбүлүөйдээх сааһын туолбутунан “Новострой” түөлбэ салайааччыта Марианна Костантиновна Яковлева наҕараадаланна. Баһылык Алексей Неустроев Махтал суругун түөлбэлэр салайааччылара Нина Иннокентьевна Никанорова, Ариадна Абрамовна Филиппова, Николай Николаевич Рожин, Дмитрий Дмитриевич Титов, Марианна Васильевна Афанасьева, Васианна Иннокентьевна Птицына, Людмила Гаврильевна Пивоварова, Капиталина Константиновна Семенова, Хорообуттан Зинаида Васильевна Иванова, о.д.а. туттулар.

“Түмэн” уопсастыбаннай холбоһук салайааччыта Мария Дмитриевна Лукина илии баттааһыннаах Махтал суругунан “Кэнчээри” оҕону сайыннарар киин сэбиэдиссэйэ Екатерина Петровна Романова, “Мичил” оҕону сайыннарар киин сэбиэдиссэйэ Людмила Иннокентьевна Дьяконова,  “Чуораанчык” оҕону сайыннарар киин сэбиэдиссэйэ Галина Валерьевна Захарова, “Сардаана” оҕону сайыннарар киин сэбиэдиссэйэ Альбина Романовна Захарова, уопсастыбанньыктар Ольга Иннокентьевна Захарова, Антонина Петровна Куприянова, Марта Семеновна Никанорова, Парасковья Степановна Чичахова, Анна Ильинична Борисова, Анна Гаврильевна Дьяконова, Вера Спиридоновна Терякова, Валерий Николаевич Романов, Хорообуттан Маргарита Иннокентьевна Иванова, о.д.а. наҕараадаланнылар. Татьяна Михайлова көҕүлээһининэн Хорообут нэһилиэгин түмсүүлэрэ, оскуолатын үлэһиттэрэ, үөрэнээччилэрэ, Лоомтукаттан бэтэрээн сэбиэтин бэрэссэдээтэлэ Мария Прокопьева салайааччылаах иистэнньэҥнэр араас  хайысханан элбэх көмөнү оҥорбуттарын махталынан аҕыннылар.

Ньургуйаана Охлопкова Мэҥэ Хаҥалас улууһун социальнай бэлиитикэҕэ управлениетын грамотатын  Федора Ивановна Наумоваҕа, Евдокия Петровна Семеноваҕа, Мария Егоровна Сергееваҕа, Екатерина Прокопьевна Баишеваҕа, Дмитрий Дмитриевич Титовка, Татьяна Дмитриевна Михайловаҕа, Надежда Николаевна Павловаҕа, Дария Ворошиловна Федороваҕа, о.д.а. туттарда.

“Түмэн” уопсастыбаннай тэрилтэ ыытар үлэтигэр көхтөөх кыттыыларын иһин уонна анал байыаннай дьайыы кыттыылаахтарын өйөөһүҥҥэ тугунан да кэмнэммэт кылааттарын иһин улуус бэтэрээннэрин сэбиэтин бэрэссэдээтэлэ Маргарита Максимова илиититтэн Александра Романовна Дашеева, Заредина Алексеевна Сосина, Розалия Константиновна Терентьева, о.д.а. Грамотанан наҕараадалары туттулар.

Уопсастыбанньыктар түбүктээх сылы түмүктүүр уонна үүнэр сылы көрсөр тэрээһиннэрин Анна Павлова уонна Степан Копырин иилээн-саҕалаан өрө көтөҕүллүүлээхтик ыыттылар. Вячеслав Санников, Степан Копырин, Любовь Антонова, Евдокия Семенова, Татьяна Артемьева  ырыаларын-тойуктарын, “ОБТ” үҥкүү түмсүүтэ вальс, кадриль үҥкүүлэрин, Маргарита Максимова анал байыаннай дьайыы кыттыылаахтарыгар анаммыт хоһоону ааҕан  бэлэхтээтилэр. Бу күн 80-90-с сыллар муусукаларынан үҥкүү-битии, араас куонкурустар, маскарааттар хоробуоттара буоллулар.

Уопсастыбаннай түмсүүлэр, түөлбэлэр көхтөөх дьонноро бу тэрээһини тэрийэн үөрүүнү, сынньалаҥы бэлэхтээбиттэригэр Майа олохтоох дьаһалтатыгар, түөлбэлэри салайар Жанна Тумусоваҕа, “Дьол түһүлгэтэ” уопсастыбаннай киин, “Түмэн” уопсастыбаннай тэрилтэ  салайааччыларыгар Евдокия Решетниковаҕа, Мария Лукинаҕа барҕа махталларын тиэрдэллэр.

 

Марелла Баишева.