От ыйын 16 күнүнээҕи туругунан, Майаҕа «Туймаада-нефть» сапараапкаларыгар уматык уочарата суох атыыланар.
Ол гынан баран бэнсиини 30 л нуорманан, оттон топливнай каартанан хааччаҕа суох куталлар. Сэлээркэни чааһынай сирэйгэ көннөрү картанан куппаттар, топливнай каартанан эрэ хааччаҕа суох куталлар. Оттон «Сибоил» сапараапкатыгар чааһынай дьон 40 л хааччахтаах сэлээркэни куттуохха сөп. Сыаналара сөбүгэр.
Отчуттар нэһилиэктэринэн сайаапка быһыытынан сэлээркэни улахан массыынанан биирдиилээн миэстэтигэр атыылаһар кыахтаммыттара, оройуон дьаһалтата билигин даҕаны сайаапканан салгыы үлэлэһэр. Тэрээһиннээх хаһаайыстыбалар уматыгынан хааччылыннылар.
Биирдиилээн техникалаахтар хааччахтааһын сотору түмүктэнэригэр баҕа санаалаахтар. Бэнсиини иһиккэ биэрбэттэр. Өскөтүн терминалга төлөөн кэбиһэн баран сатаан куттубатах буоллаххына харчыҥ төрөөбүт каартаҕа тута эбэтэр үс күн иһинэн төннөрүллэр.
Балаһыанньа сотору-сотору уларыйарынан сапараапкаҕа бэйэтигэр тиийэн билсэҕит.