Саха Өрөспүүбүлүкэтин (Ил Түмэн) Судаарыстыбаннай мунньаҕын уонна тус бэйэм ааппыттан Улуу Кыайыыны бэлиэтиир өрөгөйдөөх күммүтүнэн ис сүрэхпиттэн эҕэрдэлиибин!
Ыам ыйын 9 күнэ – дойдубут хас биирдии олохтооҕор ытык күн. Аҕа дойду улуу сэриитигэр эйэлээх олох иһин охсуһуу сыаната кэмнэммэт ыарахан этэ, ол эрээри түмсүүлээх буолуу улуу күүһэ, норуоппут кэннинэн кэхтибэт тулуура кыайыыны аҕалбыта. Ийэ дойдубутун хорсуннук көмүскээбит хас биирдии буойун, тыылга туруулаһан эйэлээх олоҕу аҕалсыбыт үлэһит мааныта дьоммут-сэргэбит ааттарыгар сүгүрүйэбит. Ийэ дойдубутун көмүскээччилэр хорсун быһыыларын уонна тыылга үлэлээбит хас биирдии киһи эрдээх санаатын кэриэстиир билиҥҥи көлүөнэ ытык иэһэ буолар.
Улуу Кыайыы күнэ хас биирдиибитигэр сомоҕолоһуу, түмсүүлээх буолуу күүһүн билэрбитигэр, норуоппутунан киэн туттарбытыгар, санаабытын бөҕөргөтөрбүтүгэр кыаҕы биэрэр, тапталлаах Ийэ дойдубут чэчирии сайдарын туһугар айымньылаах үлэҕэ кынаттыыр!
Ытык кырдьаҕастарбыт, сэрии уонна тыыл бэтэрээннэрэ, сэрии кэмин оҕолоро, хорсун-хоодуот быһыыгыт, килбиэннээх үлэҕит иһин эһиэхэ сүгүрүйэбит, үрдүбүтүгэр эйэлээх халлаан баарыгар хас биирдиигитигэр махтанабыт! Барыгытыгар чөл туругу уонна уһун олоҕу, эйэҕэс сыһыаны уонна этэҥҥэ буолууну, дьолу уонна үтүөнү, эйэни уонна айар-тутар кыаҕы баҕарабын! Улуу Кыайыы күнэ эһиэхэ күүһү-уоҕу, эрчими, тулууру эптин, санааҕытын бөҕөргөттүн!
Олег МАРКОВ, норуот дьокутаата, “Саха” НКИК генеральнай дириэктэрэ.