Балаҕан ыйын 14 күнүгэр Төхтүргэ Аҕа дойду Улуу сэриитин кыттыылааҕа, «Кыһыл сулус» уордьан кавалера Петр Осипович Романов аатын үйэтитэр улуустааҕы юнармейскай сүлүөт ыытылынна.
Уопсай түһүмэхтэр түмүктэринэн В.П.Ларионов аатынан Майа орто оскуолатыттан «Беркут» байыаннай-патриотическай кулууп иитиллээччилэрэ улахан ситиһиилэннилэр. Салайааччы: Никандр Борисов.
Орто бөлөххө (5‒7 кылаас) бастакы миэстэни ылары ситистилэр. Хамандыыр: Алеша Неустроев (6 а кылаас), хамаандаҕа Алгыстаан Афанасьев (6а), Харысхан Егоров (6а), Слава Захаров (8б), Юра Ефимов (7в), Миша Яковлев (6а) бааллар.
Улахан бөлөххө (8‒11 кыл) эмиэ бастакы миэстэ буолан кыайыы өрөгөйүн биллилэр. Хамандыыр: Айтал Иванов (11в кылаас), хамаанда чиэһин Владик Парников (11а), Вова Ксенофонтов (11в), Александр Яковлев (10а), Игорь Неустроев (10в), Олег Олейников (10в) көмүскээтилэр.
Итини таһынан Петр Осиповичка аналлаах блиц-турнирга 7 а кылаас үөрэнээччитэ Кирилл Жирков кыайыылааҕынан тахсан анал бирииһинэн наҕараадаланна.
Күрэхтэһии түмүгэр «Бастыҥ салайааччы» анал аат Никандр Леонидовичка туттарылынна.
Анна Анисимова.
