Ыам ыйын 20 күнүгэр Мусуой аан дойдутааҕы күнүгэр СӨ Култуура сылыгар анаан Майатааҕы «Кэнчээри» уһуйаан иһинэн үлэлиир «Түһүлгэ» түмэл салайааччылара Луиза Иванова, Елена Березкина «Одаренные дети» бырайыак чэрчитинэн сылы түмүктүүр коллекционер оҕолор быыстапкаларын иккис төгүлүн тэрийдилэр.
Быыстапка үөрүүлээх арыллыытыгар уһуйаан бэлэмнэнии бөлөхтөрүн оҕолоро иитээччилэрин кытта ыалдьыттаатылар. Салгыы быыстапка үгүс оҕо, төрөппүт көрүүтүгэр диэн нэдиэлэ устата туруоҕа.
Кырачаан коллекционер уолаттарбыт: Айастаан Сивцев («Току-току ньээм-ньээм») киндер сюрприз оонньуурдарын, Тимур Колосов («Дьэрэкээн оҕолор») куйаар ситимин (космос, планета) туһунан муспут кинигэлэрин, оонньуурдарын, уруһуйдарын, илиинэн оҥорбут оҥоҺуктарын, Миша Березкин («Дьэрэкээн оҕолор») коллекционнай тимир массыыналарын, тыраахтардарын, Арылхан Романов («Сулусчаан») 120 устуука ураты мадьыаллаах тимир массыыналарын биир саастыылаахтара олус сэргии-сөҕө көрдүлэр, араас ыйытыылары биэрдилэр. Маннык сөбүлүүр дьарыктаах, иллэҥ кэмнэрин бэйэлэрин интэриэстэринэн туһалаахтык атаарар оҕолор бары өттүнэн киэҥ билиилээх-көрүүлээх, мындыр толкуйдаах, сайдыылаах буола улааталлара саарбаҕа суох. Оҕолорбут коллекциянан дьарыктанар хайысхаларын ыҺыктыбакка өссө эбии элбэтэн, сонун тиэмэлэринэн хаҥатан кэмиттэн кэмигэр анал быыстапкаларга кыттан үгүс дьон сэҥээриитин ыла турдуннар.
Сардана Аввакумова.
