Дмитрий Таас аатынан Хорообут орто оскуолатын, академик Афанасий Чугунов аатынан Мэлдьэхси орто оскуолатын интэринээттэрин иитиллээччилэрэ, үлэһиттэрэ Хорообут кэрэ сиригэр Барыласка мустан, икки өттүттэн кыттыһан тэрээһини айылҕаҕа ыыттылар.
Бу күн эрдэттэн бэлэмнэнэн, бары сүргэлэрэ көтөҕүллэн дуоһуйа сынньаннылар. Саха сиэринэн кэлбит дьон бэйэлэрин билиһиннэрдилэр. Балаҕаҥҥа көмүлүөк оһоҕу арыылаах саламаатынан күндүлээтилэр. Сандалы тула тото-хана аһаан баран, хамаанданан, биирдиилээн илин-кэлин былдьастылар, араас көрдөөх оонньуулары оонньооннор бириистэргэ тигистилэр. Айылҕаҕа дуоһуйа сынньанан, эһиил Мэлдьэхси сиригэр көрсөргө быһаарыстылар. Хорообут интэринээтин, оскуолатын көрөн, билсиһэн тарҕастылар.
