Хара түөлбэтигэр «Айыллаан» култуура киинигэр «Дойдум минньигэс отоно» аахсыйа ыытылынна.
Аахсыйаҕа нэһилиэкпит тэрилтэлэриттэн «Хара нэһилиэгэ» тыа сирин түөлбэтэ (баһылык Дария Назарова), «Кэрэчээн» оҕо уһуйаанын (Анна Киренская), И.Г.Игнатьев аатынан Харатааҕы оскуола кэлэктиибэ (Алексей Оконешников), «Айыллаан» култуура киинэ (Татьяна Степанова), нэһилиэкпит олохтоохторо байыаннай дьайыыга сылдьар уолаттарга аахсыйаҕа кыттыыны ыллылар.
Үтүө санаалаах дьоммут кыттыытынан сироп, бурдук ас, бородуукта, эмп-том хомулунна. Аахсыйа дьайыыга сылдьар уолаттарбытыгар анаан, биир дойдулаахпыт, Хараттан төрүттээх волонтер Алена Лебедкинаҕа күүс-көмө буолла. Күндүтүк саныыр күн тэҥэ ийэлэрбит кэлэн иҥэмтэлээх аһы астаан аат ааттаан, сылаас илиилэринэн угуттаан астаабыт астарын амтаннааҕа хорсун уолаттарбытыгар күүс-уох эбиэҕэ.
Түгэнинэн туһанан көмөлөспүт Харабыт үтүө түөлбэтин олохтоохторугар барыларыгар улахан махталбытын тиэрдэбит. Өссө даҕаны маннык олох араас кэмнэригэр бары бииргэ буолан, түмсэн, иннибит диэки баран иһиэҕиҥ диэн ыҥырабыт.
Сахаяна Терентьева.
