Хочоҕо кырдьаҕастарга аналлаах дэкээдэҕэ тэрээһиннэр ыытылыннылар.
«Удьурҕай» түмсүү (сал. Л.К.Петрова), «Алаһа» дьахтар сүбэтэ (М.А.Захарова) «Сылаас үтүлүк» аахсыйаҕа соҕотох эр дьоҥҥо 15 киһиэхэ үтүлүк тиктилэр.
Улуустааҕы 20-с ыспартакыйаадаҕа 16 киһи бэйэбит кыахтарынан кытынна. Дарстка Оксана Лонгинова иккис миэстэ буолары ситистэ. Кыттыбыт бары кырдьаҕастарга олохтоох дьаһалта аатыттан грамота туттарылынна.
Дэкээдэ чэрчитинэн Наахара учаастактааҕы балыыһатын үлэһиттэрэ А.И.Захарова уонна А.А.Аргунова икки күн аҕам саастаах кырдьаҕастарбытын доруобуйаларын көрдүлэр-иһиттилэр.
Алтынньы 14 күнүгэр Хочоҕо кырдьаҕастар дэкээдэлэрин түмүктүүр үөрүүлээх күн буолла. Салайааччы Любовь Попова көҕүлээн, иилээн-саҕалаан бэрт сэргэхтик ааста. «Көмүс күһүн, көмүс саас» тэрээһиҥҥэ үбүлүөйдээхтэри эҕэрдэлээтилэр.
«Күһүҥҥү киһи күлбүтүнэнө бүлүүдэ куонкуруһугар Светлана Корнилова бастакы, Аксинья Анисимова иккис, Мария Куприянова үһүс миэстэ буоллулар. «Күһүҥҥү иэйии» зонтик куонкуруһугар Светлана Корнилова бастакы, Матрена Платонова иккис, Айталина Аржакова үһүс миэстэлэннилэр. Бибилэтиэкэр Ирина Никанорова викторина оонньотто, кыайыылааҕынан Анастасия Васильева буолан сэмэй бэлэҕи тутта. Бэлиэ киэһэни ырыаларын бэлэхтээн Варвара Никанорова, Николай Куприянов, Валерий Платонов киэргэттилэр, улахан махталбытын тиэрдэбит. Коммерческэй лотуоҕа күрэхтэһии тэрилиннэ.
Матрена Платонова. Хочо
