И.Г. Игнатьев аатын сүгэр Хара спортивнай орто оскуолатыгар ыам ыйын 6 күнүгэр Улуу Кыайыы 80 сылыгар аналлаах 1-8 кылаастар икки ардыларыгар хор күрэ6э ыытылынна. Күрэ6и саха тылын уонна литературатын учуутала Лев Данилович Варламов салайан ыытта.
Күрэ6и оскуола оҕолорун хоровой кэллэктиибэ Антон Кулешов солистаах «День Победы» ырыанан саҕаланна.
Аҕа дойду Улуу сэриитэ бүппүтэ быйыл 80 сылын бэлиэтиибит. Кыайыы. Кыайыы диэн тыл хайдахтаах курдук кэрэтик, өрө күүрүүлээхтик иһиллэрий? Бу биир тылтан араас истиҥ, хорсун санаалар үөскүүллэр.
Оскуолабыт иһигэр ыытыллыбыт хор күрэҕэр үөрэнээччилэр, кылаас салайааччылара, төрөппүттэр, көхтөөхтүк кытыннылар. Үөрэнээччи-учуутал-төрөппүт биир сомоҕо буолан үлэлээтэҕинэ, оҕолорбут олох киэҥ аартыгар уһуйуллан тахсалларыгар, олоххо бэлэмнээх буолаллар диэтэхпинэ, бука, сыыспатым буолуо.
Кыттааччылар алын кылаастан саҕалаан үрдүкү кылаас оҕолоро күөн көрүстүлэр. Бары уостан түспэт ырыалары ыллаан-туойан, дьоро киэһэни киэргэттилэр. «Хайыһар», «Три танкиста», «Катюша», «Отмените войну», «Алеша», «Смуглянка», «Кыайыы туһунан ырыа», «Эйэ, дьол иһин» ырыалары толорон киэҥ биһирэбили ыллылар.
Түмүгэ маннык буолла: алын кылаастарга Гран-При 4 кылаас үөрэнээччилэрэ, кылаас салайааччыта Пинигина Юлия Васильевна, “Самое дружное исполнение” 1 кылаас салайааччы Романова Матрена Иннокентьевна, “Самое лиричное выступление” 2 кылаас салайааччы Дмитриева Ньургустана Алексеевна. “Самый артистичный хор” 3 кылаас үөрэнээччилэрэ салайааччы Лукина Матрена Семеновна көхтөөхтүк кытынныыны ылан анал ааттар туттарылыннылар.
Орто сүһүөх кылаастарга: Гран-При 6 кылаас үөрэнээччилэрэ салайааччы Долун Айхаана Албановна, “Самый мелодичный хор” 5 кылаас салайааччы Григорьева Юлия Юрьевна, “Самое зажигательное выступление” 8 кылаас салайааччы Прибылых Саргылана Николаевна, “Самый танцующий хор” 7 кылаас салайааччы Варламов Лев Данилович.
Хордары бэлэмнээтэ Саха Өрөспүүбүлүкэтин култууратын туйгуна, оскуола муусука учуутала Степанова Татьяна Юрьевна.
Дьүүллүүр сүбэҕэ Саха Өрөспүүбүлүкэтин култууратын үтүөлээх үлэһитэ Дмитрий Федорович Ходулов аатынан норуот айымньытын дьиэтин ырыаҕа специалиһа Сардаана Ревовна Осипова, Саха Өрөспүүбүлүкэтин култууратын туйгуна, “Айыллаан” култуура киинин режиссера Николай Петрович Васильев- Айтамыл, И.Г.Игнатьев аатынан Хара спортивнай орто оскуола директора Алексей Алексеевич Оконешников сыаналаатылар.
Дьэ, бу курдук олус үчүгэй тэрээһин Арассыыйаҕа Аҕа дойдуну, Сахабыт сиригэр Ийэ дойдуну көмүскээччилэр, Хара нэһилиэгэр дойдуга бэриниилээх буолуу сылларын чэрчитинэн ыытылынна. Хор киэһэтин тэрийбит, оскуола үлэһиттэригэр, төрөппүттэргэ, үөрэнээччилэргэ махтанабыт. Кырыктаах сэрии хаһан да буолбатын, көмүс чыычаахтарбыт, оҕолорбут үрдүлэригэр өрүүтүн чаҕылхай күн чэмэличчи тыга турдун, сэрии алдьархайыгар кыттыыны ылбыт ытык дьоммутугар, эдэр-чэгиэн ыччаттар ааттарыттан барҕа, махтал тылларын аныыбыт.
Сахаяна Терентьева, Хара нэһилиэгин бибилэтиэкэрэ.
