262 N-дээх Хапчаҕай быыбардыыр учаастагар быыбар испииһэгэр уопсайа 86 киһи киллэриллибитэ. Учаастак бэрэссэдээтэлэ Варвара Александрова иһитиннэрбитинэн, күнүс 14 чаас 45 мүн. Чахчынан быыбарга кыттыы бырыһыана 98,8 бырыһыаҥҥа тэҥнэстэ.
18 саастаах нэһилиэк ыччата, билигин Уус Алданнааҕы техникумҥа ыксаллаах быһыыттан- майгыттан көмүскүүр исписэлиистэри бэлэмниир салаатын устудьуона Николай Александров дойдутугар кэлэн быыбарга аан бастаан кытынна.
Бүгүн күн бастакы аҥаарыгар кэргэннии Екатерина, Михаил Кычкиннар, оскуола учуутала Иннокентий Романов, култуура киинин дириэктэрэ Анна Харитонова кэлэн куоластаатылар.
79 саастаах Евдокия Варламоваҕа уонна Лена Ноговицынаҕа хамыыһыйа чилиэннэрэ дьиэлэригэр тиийэн кэлэн быыбарга кыттар бырааптарын туһаннардылар.
Хапчаҕайдар быыбарга бу да сырыыга көхтөөхтүк кыттан дойдубут инники дьылҕата инникитин да сайдыы суолун тутуһан барарыгар интэриэстээхтэрин көрдөрдүлэр.
