Олунньу 21 күнүгэр Дьокуускайга Өрөспуубулүкэ боропсойуустарын федерациятыгар Ыччат сэбиэтин көҕүлээһининэн Аҕа дойду сэриитигэр Кыайыы 80 сылыгар, Арассыыйаҕа Аҕа дойдуну, Саха сиригэр Ийэ дойдуну көмүскээччи сылларыгар анаан строевой көрүүнү тэрийэн ыыттылар.
Дьокуускай куорат араас тэрилтэлэриттэн, улуустартан 14 хамаанда кытынна. Биһиги улууспутуттан Тарат ситэтэ суох, Тумул орто оскуолатын эдэр үлэһиттэрэ, боропсойуус бэрэссэдээтэлэ Зоя Трифонова, оскуола дириэктэрдэрэ Петр Петров, Владислав Кисиляхов өйөбүллэринэн Мэҥэ Хаҥалас боропсойуустарын координационнай сэбиэтин аатыттан ситиһиилээхтик кытыннылар итиэннэ “Бастыҥ саллааттыы туттуу” анал аат хаһаайыннара буоллуллар.
Этэрээт хамандыырынан кыттыбыт Станислав Цыпандин Тарат ситэтэ суох орто оскуолатын ыччата этэрээти строевой көрүүгэ бэлэмнээтэ, бэйэтэ Калашников аптамаатын ыһыы-хомуйуу куоталаһыытыгар олус үчүгэйдик кыттынна, киниэхэ Арассыыйа аармыйатыгар сулууспалаабыта улаханнык көмөлөстө. Кыттыбыт оскуолалар эдэр үлэһиттэрэ улууспут ыччатыгар түмсүү холобура буоллулар.
Иннокентий Скрябин.
