Доллуга Дьокуускай‒Охуоскай айанын суолун (трактъ) устуоруйатын үөрэтэр, чинчийэр бөлөх Т.Г.Десяткин аатынан Тумул орто оскуолатыгар кэлэн ыалдьыттаатылар, бэсиэдэ ыыттылар.
Бөлөх салайааччыта Дьокуускай 10 №-дээх оскуола учуутала Сергей Ермолаев, үөрэнээччилэр Степан Гоголев, Денис Манаков, Азамат Джумабаев, уруккута изо, черчение, техническэй үөрэхтээһин учуутала, төрөөбүт дойдубут устуоруйатын үөрэтиигэ Чычымах орто оскуолатын үөрэнээччилэрин 1992 сылтан ыла уһуйбут, Аким Татаринов ыалдьыттаатылар.
Аким Константинович ‒ 1732‒1867 сс. Дьокуускай куораттан Охуоскай муора пуордугар уонна оччотооҕу Саха ылтаһын ыраах баар сирдэригэр ындыылаах аттарынан таһаҕаһы таһыыны, 1909 с. Дьокуускайтан Охуоскай муора пуордугар диэри телеграф лииньийэтин тардыы үлэтин үөрэппит, «Джугджурзолото» трест салайыытынан кыһыл көмүһү хостуур Ааллаах Үүн бириискэлэригэр Саха АССР оройуоннарын холкуостаахтара таһаҕас таһыыларын чинчийбит, хас да кинигэ ааптара, Арассыыйатааҕы Географическай уопсастыба чилиэнэ, 1912 с. Д.Д.Бэстинов салайааччылаах Дьокуускай‒Охотскай Перевоз маршрутунан Дьокуускайтан Охотскай муораҕа таһаҕас таһыытын чинчийэр, В.Г.Власов салайааччылаах «Дьокуускай‒Аян» экспедициялар кыттыылааҕа. Үөрэнээччилэр «Школьные туристические тропы» бырайыагынан «Витус Беринг Саҥа сиригэр» сайыҥҥы экспедицияҕа кыттыбыттарын иһитиннэрдилэр.
Чинчийэр бөлөх Дьокуускай‒Охотскай суолунан таһаҕаһын таһыы айанын суолугар Тылбыйахтаахха, Төҥүлүгэ уонна Доллу Дьаам сайылыгар урут сынньанар ааһар сирдэригэр бэлиэ туруордулар.
Евгения Птицына.
