Ойор-тэбэр оҕо саас,
Оонньуур, үөрэр оҕо саас,
Сайын кэрэ кэмигэр,
Сынньалаҥҥа ‒ бу күөххэ!
Догдоҥоҕо «Мин сайыҥҥы сынньалаҥым» диэн кырачаан оҕолорго аналлаах хаартысканан куонкурус ыытылынна.
Куонкуруска сааһыттан тутулуга суох нэһилиэк оҕолоро көхтөөхтүк кытыннылар. Күөх сайыныннарын хайдах туһалаахтык атаара, сынньана, төрөппүттэргэ көмөлөһөн, доруобуйаны чэбдигирдэн, сир аһын үргээн, сөтүөлээн, күөх дуолга ийэ айылҕалыын алтыһан, сайыммыт кэрэтин иҥэринэн, чэгиэн туруктаах, оҕолорбут үөрэ-көтө сынньана сылдьалларын хаартыскаҕа түһэрэн ыыттылар.
Куонкурус икки бөлөххө араарыллан ыытылынна. Куоластааһын түмүгүнэн оскуола саастаах оҕолорго бастакы миэстэ Наташа Федотова (7 саастаах), иккис Селена Былкова (12 саастаах), үһүс миэстэ Айселя Былкова (13 саастаах), оттон уһуйаан саастаахтарга бастакы миэстэ Уруйхан Протопопов (3 саастаах), иккис миэстэ Уйусхан Морозов (3 саастаах), үһүс миэстэ Амикан Дмитриев (1 саастаах) буолары ситистилэр. Миэстэҕэ тиксибит оҕолорбут бириистэринэн бэлиэтэннилэр.
Тэрээһини култуура үлэһитэ Алена Винокурова иилээн-саҕалаан ыытта.
Оҕо сырдык мичээрэ,
Оҕо үөрэр күлүүтэ ‒
Олох кэрэ симэҕэ,
Олох кэлэр кэскилэ!
Светлана Иванова‒Намыына. Догдоҥо.
