Ахсынньы 3 күнүгэр Догдоҥо нэһилиэгин оскуолатыгар биир дойдулаахпыт, нэһилиэкпит бастыҥ ыччата, байыаннай дьайыы кыттыылааҕа, бэтэрээнэ, ефрейтор, разведчик Александр Александрович Морозов аатын кэриэстээн эр дьоҥҥо күрэхтэһии ыытылынна.
Күрэхтэһиини үөрэммит оскуолатын кэлэктиибэ тэрийэн ыыттылар. Бэлиэ күҥҥэ Александр ийэтэ Галина Михайловна Бурнашева, бииргэ төрөөбүт балта Туйаара, күтүөтэ Александр Трофимовтар уонна чугас аймахтара, табаарыстара, доҕотторо ыалдьыттаатылар.
Тэрээһин Арассыыйа Өрөгөй ырыатынан саҕаланна. Нэһилиэк баһылыга Петр Сивцев, оскуола дириэктэрэ Ким Шахурдин, аймахтар ааттарыттан Аксинья Морозова, ийэтэ Галина Михайловна, бииргэ олорбут түөлбэтиттэн ытыктыыр киһибит Спартак Титов уонна табаарыстара эҕэрдэлээтилэр.
Тэрийээччилэр күрэхтэһии балаһыанньатын билиһиннэрдилэр, хамаандаларга киирбит кыттааччылары ааттаатылар, ситиһиилэри баҕардылар. Судьуйаларынан оскуолабыт физкултуураҕа учуутала Марианна Петрова, соцпедагога Нарыйа Кононова, оскуола үлэһитэ Юлия Иванова, начаалынай кылаас учуутала Кюннэй Избекова, «Туллукчаан» уһуйаан ыстаарсай иитээччитэ Аксинья Морозова үлэлэстилэр, тэрийдилэр.
Күрэхтэһии биэс түһүмэхтээх буолла. Сыалы быраҕыы, дартс, боппуруостарга эппиэттээһин, бэргэн ытааччы, сааны ыһыы-хомуйуу уонна ханаат тардыыта. Хамаандаҕа түөртүү кыттааччы ирдэннэ — ыччат, орто саас, аҕам саастаах.
1миэстэ (23тыһ.) — «Хотойдор» Арсений Захаров, Аскольд Винокуров, Павел Харитонов; Прокопий Скрыбыкин; 2 миэстэ (15тыһ.) — «Манчаары» Иван Морозов, Кирилл Попов, Игорь Ильин, Иван Иннокентьевич Морозов; 3миэстэ (13тыһ.) — «Лидер» Роман Морозов, Петр Сивцев, Александр Тарасов, Спартак Титов; 4миэстэ (5 тыһ.) — «Орто дойду» Семен Новгородов, Руслан Лукин, Иван Егоров, Василий Адамов; 5миэстэ (5тыһ.) — «Сулус» Илья Кононов, Егор Иванов, Ким Шахурдин, Николай Зыков уу харчынан бириис тутан үөрдүлэр.
Күрэхтэһии түмүгүнэн анал ааттарга тигистилэр: Тииҥ мэйии Спартак Титов
8тыһ.сэртипикээт, дартс Александр Тарасов 1тыһ., саа ыһыытыгар Игорь Ильин 1,5тыһ., сыал ытыы Прокопий Скрыбыкин 2,5тыһ. харчынан бириис туттулар. Спонсардарынан буоллулар: Чүүйэҕэ бииргэ үөрэммит оҕолоро, доҕотторо, Догдоҥо оскуолатын үлэһиттэрэ сал. Ким Шахурдин, култуура киинэ сал. Айталина Иванова, олохтоох дьаһалта баһылык Петр Сивцев, Бөкөтөөҕү ОДьКХ сал. Роман Морозов, Аксинья Васильевна, Роман Иннокентьевич, Александра Семеновна, Иван Иннокентьевич Морозовтар, Евгений Захаров, Варвара Михайловна, Спартак Юрьевич Титовтар, хаар айаҥҥа кыттар доҕотторо, ийэтэ, балтын дьиэ кэргэнэ. Уопсай бириис сууммата 69 тыһ. солк.
Күрэхтэһии үрдүк таһымҥа ааста, уолбутун Сааскабытын, Сашокпутун аттыбытыгар баар курдук санаан ыллыбыт. Инникитин да маннык түмсүүлээх тэрээһиннэри бары бииргэ түмсэн, үгэс быһыытынан хайысхатын кэҥэтэн ыытыаҕын диэн тыл эттэ ийэтэ Галина Михайловна. Тэрийбит оскуолабыт кэлэктиибигэр, нэһилиэгин дьонугар, бириискэ кыттыспыттарга махтанна.
Тамара Зыкова
