Тохсунньу 24‒25 күннэригэр Хотун Тѳҥүлү Г.Р.Десяткин аатынан успуорт комплексыгар аан бастаан дартс кѳрүҥэр улууспут чөмпүйэнээтэ ыытылынна.
84 кыттааччы улуус 12 нэһилиэгиттэн кэлэн бэйэлэрин кыахтарын боруобаланнылар. Саҥа оонньооччулар «большой раунд», «набор очков», «сектор 20» кѳрүҥнэргэ туспа күрэхтэстилэр. Эр дьоҥҥо 29, дьахталларга 18 кыттааччы илин-кэлин түһүстэ.
Үс кѳрүҥ түмүгүнэн улууспут бастакы чөмпүйүөннэринэн, призердарынан эр дьоҥҥо бастакы миэстэ Дмитрий Архипов (Тѳхтүр), иккис Михаил Слепцов (Матта), үһүс Василий Игнатьев (Хорообут), дьахталларга бастакы Анна Неустроева (Тѳхтүр), иккис Ирина Кириллина (Майа), үһүс Матрена Шарина (Тѳхтүр) буоллулар.
Сүрүн бөлөххө «501» кѳрүҥҥэ күрэхтэһиигэ эр дьоҥҥо бастакы Иван Баишев, иккис Михаил Баишев, үһүс Василий Шепелев (Тѳҥүлү), дьахталларга бастакы Мария Филатова (Майа), иккис Анна Баишева (Тѳҥүлү), үһүс Ньургуяна Кардашевская (Бэдьимэ), бэтэрээннэргэ эр дьоҥҥо бастакы Гаврил Иванов (Майа), иккис Николай Никаноров (Наахара), үһүс Тимофей Кононов (Бүтэйдээх), дьахталларга Наталья Иванова (Майа), иккис Анна Михайлова (Ороссолуода), үһүс Людмила Кычкина (Майа) буолары ситистилэр.
Иккис күн тыҥааһыннаах киирсиилэр пааранан уонна микст кѳрүҥнэргэ ыытылыннылар. Паара оонньууга эр дьоҥҥо бастакы Николай Никаноров (Наахара), Тимофей Кононов (Бүтэйдээх), иккис Иван Баишев, Петр Толстяков (Тѳҥүлү), үһүс Гаврил Иванов (Майа), Егор Свинобоев (Тумул), дьахталларга бастакы Мария Филатова (Майа), Анна Баишева (Тѳҥүлү), иккис Галина Пахомова (Майа), Варвара Попова (Тѳҥүлү), үһүс Анна Михайлова, Александра Морозова (Ороссолуода) миэстэһэн кыайдылар.
Микст кѳрүҥҥэ 17 хамаанда оонньоото. «601» кѳрүҥҥэ ким кыраҕытын, истигэн илиилээҕин быһаарыстылар. Бэрт эрийсиилээх киирсиилэр кэннэ улуус призердарынан ааттаннылар: бастакы Иван Баишев, Петр Толстяков, Татьяна Багдарыын, иккис Александр Андросов, Александра Морозова, Василий Эверстов, үһүс миэстэ Михаил Баишев, Владислав, Баишева Анна Кисиляхов буоллулар.
Быйыл тэрилибит «Манчаары» дартс кулууп аатыттан күрэхтэһии тэрээһинигэр, ыытыллыытыгар күүс-кѳмѳ буолбут улуустааҕы успуорт комитекка, нэһилиэк дьаһалтатыгар, Николай Боякиновка, Матвей Макаровка (Сылаҥ, Чурапчы), Трофим Поповка, «Уруу» ювилернай хампаанньаҕа махталбытын тиэрдэбит.
Василий Эверстов, Төҥүлү орто оскуолатын учуутала.
