Чыамайыкыга быыбардааччы 35 бырыһыана куоластаата

Бу туһунан 11 чаас 15 мүн. чахчынан 267 N-дээх Чыамайыкытааҕы быыбардыыр хамыыһыйыйа бэрэссэдээтэлэ Любовь Романова билиһиннэрдэ.
Улууспут саамай уһук сытар нэһилиэгин олохтоохторо быыбардарга мэлдьи көхтөөхтүк кытталлар. Бу да сырыыга дойдубут Бэрэсидьиэнин эппиэттээх быыбарыгар чыамайыкылар Төрүт Сокуонунан бэриллэр быыбардыыр бырааптарыгар үрдүк эппиэтинэстээхтэрин көрдөрөллөр.
Бүгүн учаастакка Валерий Куприянов бастакынан кэлэн куоластаата.
Улууспут атын нэһилиэктэрин быыбардааччыларын, чыамайыкылар курдук, олорор сирдэринэн учаастактарыгар тиийэн Арассыыйа инники дьылҕатын быһаарар эппиэттээх тэрээһиҥҥэ кыттан гражданскай иэстэрин көхтөөхтүк толоруохтара диэн эрэнэбит.

 

Алена Докторова