Улуу Кыайыы күнүнэн “Эркээйи” хаһыат эрэдээксийэтэ сыллата бэйэтин бэтэрээннэрин дьиэлэринэн сылдьан эҕэрдэлиир. Быйыл Улуу Кыайыы 79 сылынан үгэс быһыытынан 3 бэтэрээммитин эҕэрдэлээтибит.
Кинилэринэн буолаллар бэчээт сайдыытыгар сүҥкэн кылааттарын киллэрбит: тыыл, үлэ бэтэрээнэ, сэрии сылын оҕото, эрэдээксийэҕэ 22 сыл корректорынан, буҕаалтырынан үлэлээбит, СӨ Ытык кырдьаҕаһа, Мэҥэ Хаҥалас оройуонун иискэ норуот маастара, Майа сэлиэнньэтин Бочуоттаах гражданина Марфа Петровна Кривогорницына, Мэҥэ Хаҥалас оройуонун, Майа сэлиэнньэтин Бочуоттаах гражданина, РФ Суруналыыстарын сойууһун чилиэнэ, ССРС уонна СӨ Бэчээтин туйгуна, СӨ култууратын үтүөлээх үлэһитэ, сэрии тулаайаҕа Виктор Романович Попов, СӨ култууратын туйгуна, РФ үлэтин бэтэрээнэ, Мэҥэ Хаҥалас оройуонун, Майа сэлиэнньэтин, Тараҕай нэһилиэгин Бочуоттаах гражданина, суруйааччы, суруналыыс Степан Степанович Марков.
Тэрилтэбит баар-суох иннигэр уктар ытык-мааны дьоммутугар кырдьары-ыалдьары билиммэккэ өр сылларга сүһүөхтэрин үрдүгэр сылдьалларыгар, чугас дьоннорун тапталларынан, өйөбүллэринэн үйэлэрэ уһууругар баҕарабыт. Күн сирин үтүөтэ-кэрэтэ күннэтэ олохторун киэргэттин, чэгиэн-чэбдик сылдьан барыбытын үөрдэ-көтүтэ турдуннар!
Марелла Баишева.