Бэрэсидьиэммит Владимир Путин Федеральнай мунньахха туһаайыытыгар 2030 сылга диэри дойду былаанын иһитиннэрдэ

Дмитрий Тихонов,

Мэҥэ Хаҥалас улууһун баһылыга:

 

— Лидербит дойдубут бигэ туруга дьиэ кэргэн укулаатыттан тутулуктааҕын бэлиэтээн туран Анал этиитигэр улахан болҕомтону демографическай быһыыны-майгыны тупсарарга, нэһилиэнньэ ахсаанын элбэтиигэ туһаайда.

Арассыыйаҕа биллэриллибит Дьиэ кэргэн сылынан хас биирдии ыал дьиэлэнэн-уоттанан туруктаах буоларыгар, оҕо төрөөһүнүн үрдэтиигэ, аҕам саастаах дьоммут үйэлэрэ ууһууругар национальнай бырайыактары олохтоото.

Анал байыаннай дьайыы кыттыылаахтара судаарыстыба бөдөҥ тэрилтэлэригэр үлэнэн хааччыллар кыахтаналларын бэлиэтээтэ. Ыччат бэлиитикэтигэр, каадырдарынан хааччыллыыга, нэһилиэнньэ тиийинэн олоруутун көрдөрүүтэ үрдүүрүгэр улахан болҕомтону уурда.

Владимир Владимирович норуот хаһаайыстыбатын бары хайысхата салгыы сайдар суолун тобуларга туруорбут соруктарын тирэх оҥостон кэскиллээҕи үлэлиэҕиҥ-хамсыаҕыҥ, айыаҕыҥ-тутуоҕуҥ диэн ыҥырабын.