Бүтэйдээхтэн биир эрэ биэрэстэ Чурапчылыыр суол кытыытыгар ааттыын Бастыҥ алаас баар.
Биһиги ыал 1990-с сылларга Тааттаттан көһөн кэлэн сүөһү ииттэргэ сананныбыт. Өбүгэм алааһыгар оттуур сир биэрэннэр тута хаһаайыстыбалаах дьон буоллубут. Оруобуна сири докумуоннатыы буолан алааһы икки ыал аҥаардастыбыт. Үчүгэй дьыл 10-тан тахса от кэлэр улахан, киэҥ алаас. Сонно көмөлөөн алааспытын саҕа күрүөлээтибит. Оннук бэт үчүгэйдик оттоон, сүөһү ииттэн кэлбиппит 30-тан тахса сыл буолла.
Кэлиҥҥи кэмҥэ күрүөбүт эргэрэн көрүүтэ, абыраҕа элбээбитэ. Алааска бииргэ оттуур киһибит Иван Павлович Филиппов нэһилиэккэ биллэр мэхэньисээтэр, рационализатор. Сэлиэнньэбит уулуссатын, сайыҥҥы уутун, тас суолларын ыаллар бааһыналарын, мастарын, муустарын, отторун, фекалкаларын барытын быһаарса сылдьар биир саамай наадалаах киһибит. Иван Павлович иллэрээ сыл миэхэ күрүөбүт наһаа эргэрбитин, саҥа күрүө тутар былааннааҕын кэпсээтэ, өйүүрбэр эттэ. Мин тута сөпсөһөн ол сыл матырыйаалын ыллыбыт. Тутуутун былырыын күһүн саҕалаан баран, быйыл ходуһа сабыыта түмүктээтибит. 400 тимир остоолболоох, сиэккэ эргиирдээх саҥа күрүө алааспытын үптээх ампаар оҥорбута олуһун үөрдэр. Күүс-көмө буолбут бырааттарыгар Василий Васильевич Барабановка, Илья Федорович Новгородовка, Руслан Иванович Уваровка махталбытын тиэрдэбит. Нэһилиэкпитигэр маҥнайгы саҥа үйэ тимир күрүөтэ туһата үйэлээх буоллун.
Константин Родионов. Бүтэйдээх.
