Балыктаах бөһүөлэгэр нэһилиэк баһылыга Ньургун Габышев көҕүлээһининэн «Ситим» уопсастыбаннай түмсүүлэри түмэр дьиэ аһылынна.
«Доруобуйа» уонна «Арчы» түмсүү далбар хотуттара алаадьылаан, сыт таһааран ыраастаан кэлбит дьону үөрэ-көтө көрсөн саламаатынан, быырпаҕынан күндүлээтилэр. Дьаһалта, кулууп кыргыттара уонна ОДьКХ эдэр уолаттара субуотунньугунан тупсаҕайдык оҥордулар. Истиэнэтин Гаврил Дьяконов уруһуйунан киэргэттэ. Бу дьиэҕэ бильярд, дуобат, саахымат, дартс оонньуурга-күрэхтэһэргэ анаан усулуобуйа олохтонно.
Сарсыардаттан киэһээҥэ диэри дьиэбит түмсүү дьиэтин аана аһаҕас, нэһилиэк дьоно-сэргэтэ түмсэригэр өссө биир үктэл буолла. Кырдьаҕас сэбиэтигэр салайааччынан саҥа талыллыбыт Елена Кимовна Кычкина састаабын талынан нүлэтин саҕалаата уонна нэһилиэк аҕам саастаахтара түмсэн үлэлииргэ, көмө буолалларыгар ыҥырда. Онон «Ситим» түмсүү дьиэтэ нэһилиэкпит ыччата, дьоно-сэргэтэ биир санаанан үлэлээн бөһүөлэкпит сайдарыгар олук уурдун, сайдыыга төһүү күүс буолуохтун диэн санаа эрэли сахта.
Бэтэрээннэр сэбиэттэригэр салайааччынан Елена Кимовна Кычкина талыллан үлэтин саҕалаата. Нэһилиэк аҕам саастаахтарын түмсэн үлэлииргэ, күүс-көмө буолалларыгар ыҥырда.
Түмсүүлэр мустан иистэниэххитин о.д.а. култуурунай дьыаланан дьарыктаныахтарын сөп. Үлэлиир күнэ-бириэмэтэ: бэнидиэнньиктэн бээтинсэҕэ диэри ‒ 09:00-18:00 ч.
Мария Захарова. Балыктаах
