Алтынньы 6 күнүгэр Балыктаахха култуура дьиэтигэр Арассыыйаҕа уһуйааччы уонна аҕа сүбэһит, Саха Өрөспүүбүлүкэтигэр Үлэ, улууска Тыа хаһаайыстыбатын сылларыгар аналлаах улуустааҕы аҕам саастаах дьоҥҥо аналлаах уус-уран бэстибээлэ ыытылынна.
Дьүүллүүр сүбэҕэ улуус бэтэрээннэрин бэрэссэдээтэлэ Маргарита Максимова, СӨ култууратын туйгуна, СӨ култууратын үтүөлээх үлэһитэ Мария Скрябина, ССРС уонна улуус култуураҕа уонна духуобунай сайдыыга управлениетын мэтэдьииһэ Станислав Иванов үлэлээтилэр.
Кэнсиэр кыттааччылара, нэһилиэкпит саамай көхтөөх бэтэрээннэрэ 7 ирдэнэр нүөмэрдээх концертнай бырагыраамаларын бэрт сэргэхтик, ис сүрэхтэриттэн кыһанан туран толордулар.
Дьүүллүүр сүбэ сыанабылынан лауреат үрдүк аатын «Мүчүк» фольклор ансаамбыла (сал. Анисия Скрябина) толоруутугар «Диэхтэрэ диэхтиибин» былыргылыы чабырҕах, «Аҕам алааһа» ырыанан трио (сал. Иван Прибылых), «Талба» бэтэрээн үҥкүүһүттэр бөлөхтөрүн (сал. Сардаана Стручкова) толоруутугар олохтоох балыыһа үҥкүүһүттэрин кэлэктиибин репертуарыттан «Палубаҕа» көрдөөх үҥкүү ыллылар. Вера Фадеева «Майя-Алдан» ырыата, эр дьон бөлөҕүн толоруутугар «Таммахтар» литературнай холбоһук чилиэнэ Елена Прокопьева «Үлэттэн дьоллонуу» хоһоонун уус-уран ааҕыы, Туйаара Стручкова‒Огдооччуйа репертуарыттан «Дьиэҕэ үлэ» көрдөөх сыаҥканы Тамара Дьяконова, Егор Афанасьев оонньоон дипломаннарынан буоллулар. «Хомусчуттар» үҥкүүнү «Талба» бөлөх тэтимнээхтик үҥкүүлээтилэр. Кэнсиэри иилээн-саҕалаан ыытта Сардаана Стручкова. Эдэрдии эрчимнээх аҕам саастаах дьоммут нэһилиэкпит туһа диэн актыыбынайдык кытыннылар.
Мария Захарова.
