Уонча тыһыынча киһи олорор-үлэлиир Майабыт сэлиэнньэтэ төрүттэммитэ 122 сылынан норуот күүлэйэ бүгүн Комсомольскай болуоссакка баһылык Алексей Неустроевтыын оруобуна 8 чааска сарсыардааҥҥы сэрээккэнэн саҕаланна.
Алексей Иннокентьевич сэрээккэҕэ кэлбит дьону үөрүүлээх күнүнэн эҕэрдэлээн туран бэйэтинэн көрдөрөн саҕалаата. Ол кэнниттэн салгыы успуорт инструктор Аграфена Яковлева тэтимнээх хамсаныыларынан салгыы ыытта. Баһылыктыын сарсыардааҥҥы сэрээккэҕэ элбэх киһи кыттан, ыраас салгынынан дуоһуйа тыынан эппитин-хааммытын уһугуннардыбыт.
Манна Ариадна Филиппова салайааччылаах хаалыктаах хаамааччылар кыттыыны ыллылар уонна Чүүйэлиир суолунан салгыы хаама бардылар.
Марелла Баишева.