Бүтэйдээх нэһилиэгэр 497 быыбардааччы баарыттан кэлим куоластааһын үһүс, сүрүн күнүгэр бу кэмҥэ 297 киһи куоластаата, бу 59,7 бырыһыаҥҥа тэҥ.
Бүгүн нэһилиэк ытык кырдьаҕастарын дьиэлэригэр куоластатыы тэриллибитин туһунан быыбар хамыыһыйатын бэрэссэдээтэлэ Валентина Чямпина иһитиннэрдэ. Ол курдук 90 саастаах Августа Петровна Окорокова, 88-таах Александр Васильевич Игнатьев, 86 саастаах Евдокия Софроновна Аргунова, 83-тээх Мария Семеновна Назарова уонна 81 саастаах Виктор Иванович Сидоров мэлдьи буоларын курдук, суолталаах хампаанньа бэрэстэбиитэллэрэ кэлэллэрин кэтэһэн туран ытык иэстэрин толордулар.
