Бүгүн, муус устар 13 күнүгэр, Дьокуускайга “Биир ньыгыл Арассыыйа” баартыйа эрэгийиэннээҕи отчуоттуур бырагыраамалаах “Түмүк баар!” пуорума буола турар. Манна Мэҥэ Хаҥалас улууһуттан нэһилиэктэр баһылыктара бары киирэн кыттыыны ыла сылдьаллар.
Бу туһунан улууспут дьокутааттарын сэбиэтин бэрэссэдээтэлэ Иннокентий Андросов сырдатта:
– “Биир ньыгыл Арассыыйа” баартыйа федеральнай бырагыраамалара дьон-сэргэ олоҕо тупсарын, уйгулаах буоларын туһугар үлэлииллэр. Хаарбах дьиэттэн көһөрүү, суол оҥоруута, оскуолалар, оҕону сайыннарар кииннэр, балыыһалар, искибиэрдэр, култуура дьиэлэрэ, успуорт былаһааккалара, о.д.а. элбэх тутуулар, улахан тэрээһиннэр Федеральнай бырагыраамалар чэрчилэринэн ыытыллаллар.
Пуорум чэрчитинэн түөрт былаһаакканан арахсан үлэлээтилэр. Мин территориялары сайыннарыыга, куоракка уонна тыа сиригэр олох хаачыстыбатын тупсарыыга аналлаах төгүрүк остуолга кытынным. Манна элбэх боппуруос, ол иһигэр, тыа хаһаайыстыбатын боппуруостара эмиэ таарылыннылар. Туруоруллубут боппуруостар бары оруннаахтар.
Маннык пуорум ыытыллара хайаан да наадалаах. Биһиги, салалтаҕа үлэлии сылдьар дьон, баартыйа сиэрдээх бырагыраамаларын норуоппутугар тарҕатар эбээһинэспит буолар.
