“Сулус” хампаанньа бүгүҥҥүттэн, ол эбэтэр, ыам ыйын 10 күнүттэн, «Аллараа Бэстээх – Дьокуускай – Аллараа Бэстээх” хайысханан икки сымнаҕас олбохтоох суудуналарынан дьону таһан саҕалаатылар.
Аллараа Бэстээх кытылыгар турар өрүстээҕи вокзалтан Дьокуускай куорат өрүс кытылыгар турар суудуналар тохтуур сирдэригэр “Намыв” вокзалга диэри айан төлөбүрэ 2500 солкуобай. Айан дьоно хаайтарбаттарын хааччыйар туһуттан, сарсыарда 7.30-8 ч. – 19.30-20 ч. диэри сүүрүөхтэрэ.
«Сулус» хампаанньа салайааччыта Сергей Владимиров:
– Устудьуоннарга, элбэх оҕолоох дьиэ кэргэҥҥэ, анал байыаннай дьайыы кыттыылаахтарын дьиэ кэргэнигэр уонна бочуоттаах сынньалаҥҥа олорор биэнсийэлээхтэргэ айан төлөбүрэ 2000 солкуобай, – диэн иһитиннэрдэ.
Онон, күүтүүлээх-кэтэһиилээх “Сулустарбыт” дьонноругар-сэргэлэригэр чэпчэтиилээх айаннара салҕанар буолбутунан, уолаттарбытыгар махтанан туран, этэҥҥэ сүүрэллэригэр баҕарабыт.
Марелла Баишева.