Арассыыйа Бэрэсидьиэнин быһа эпиирин кэннэ “Майа сэлиэнньэтэ” тыа сирин түөлбэтин баһылыгын бастакы солбуйааччыта Дмитрий Игнатьев санаатын үллэһиннэ:
‒ Бүгүн өр кэтэспит быһа эпиирбит буолла. Дойдубут национальнай лиидэрэ бары тутаах боппуруостары таарыйда: байыаннай дьайыы, экэниэмикэ, социальнай эйгэ, эрэгийиэннэр боппуруостара, о.д.а.
Барыбытын долгутар эйэ дуогабарын кэпсэтэргэ, эрдэ эппитин курдук, аһаҕаһын эттэ. Ол аата биһиги балаһыанньабыт халбаҥнаабатын уонна күүстээҕин биллэрэр. Дойдубут экэниэмикэтэ хайдах курдук ыарахан кэмҥэ үрдүк көрдөрүүлээҕин кэпсээтэ. Элбэх оҕолоох Дьоруой ийэлэри Арассыыйа Дьоруойугар тэҥниир чэпчэтии бэриллэрин сэҥээрэ, сэргии иһиттим. Ити биһиги демографиябыт үрдүүрүгэр улахан тирэх буолуо. Эдэр учуонайдары дойдуларыгар төннөллөрүн таарыйда. Туох барыта дьонтон, каадырдартан тутулуктаах. Ону өйдөөн туран усулуобуйа оҥорон, эдэр дьоммут дойдубутугар үлэлииллэрэ элбиэҕэ. Ол аата биһиги креативнай экэниэмикэбит сыыппаралара үрдүөҕэ.
Марелла Баишева.