Алтынньы 23 күнүгэр «Таланты Земли Олонхо» диэн өрөспүбүлүкэтээҕи улахан күрэс буолан ааста.
Бу кэрэхсэбиллээх тэрээһиҥҥэ биһиги Харатааҕы «Кэрэчээн» уһуйаан бэлэмнэнии уонна орто бөлөҕүн оҕолоро кыттан, муҥутуур ситиһиилэннилэр. Талааннаах кырачааннарбыт тыас-уус аркыастырынан сахалыы үнүстүрүмүөннэргэ оонньоон дьоҕурдарын көрдөрөн, Мэри Тастыгина «Дьулуруйан Ньургун Боотур» олоҥхоттон быһа тардыыны ааҕан, кыраачаан кыттааччы Кая Качыкеева ырыа ыллаан көрөөччүлэри сөхтөрдүлэр уонна дьүүллүүр сүбэ үрдүк сыанабылын ыллылар.
Ол түмүгэр оҕолорбут бары I истиэпэннээх лауреат үрдүк аатын ылан, грамотанан уонна куубагынан наҕараадаланнылар. Мэри Тастыгина уопсай түмүккэ Гран При үрдүк аатын ылан өрөспүүбүлүкэҕэ кыттар туоһу суругу тутта уонна бэлиэ куубагынан наҕараадаланна.
Кырачаан талааннарбытыгар уонна кинилэри бэлэмнээбит иитээччилэригэр, оҕолорбут төрөппүттэригэр уонна муусука салайааччытыгар истиҥ махталбытын тиэрдэбит! Инникитин даҕаны үрдүк ситиһиилэри баҕарабыт!
Айталина Колтовская,
уһуйаан муусука салайааччыта.
