Ытыктыыр биир дойдулаахпыт, үлэ бэтэрээнэ, сэрии сылын оҕото, Холгума нэһилиэгин Бочуоттаах олохтооҕо Ларионова Татьяна Июдовна 90 ытык сааһын туолла.
Ларионова Татьяна Июдовна 1936 сыллаахха күн сирин көрбүт, 1945 сыллахха 1 кылааска, 1 Холгума нэһилиэгин «Нэлэгэр» оскуолатыгар үөрэммитэ. Онно Ньаҕаатты алаастан соҕотоҕун сатыы сылдьан үөрэммит. 1952с. Александр Матросов аатынан колхозка үлэлии сылдьан комсомолга киирбитэ, сотору буолаат Мэҥэ-Хаҥалас райкомолугар бигэргэппиттэрэ. Колхозка ньирэй көрөн үтүө суобастаахтык үлэлээн үрдүк көрдөрүүлэри ситиспитэ. Кэлин кулуупка харабылынан үлэлээбитэ. Кэргэнинээн Ларионов Юрий Степановичтыын 60- тан тахса сыл дьоллоохтук бииргэ олорбуттара, элбэх оҕолоохтор, сиэннээхтэр, хос сиэннээхтэр.
Үөрүүлээх күҥҥэ нэһилиэк дьонун-сэргэтин аатыттан истиҥ эҕэрдэ тылын «Холгума нэһилиэгэ» тыа сирин түөлбэтин баһылыга Гаврил Ефимов тириэртэ.
Ытык кырдьаҕаспыт Татьяна Июдовна билигин Дьокуускай куоракка кыыһын Домна Юрьевна, сиэннэрин көрүүтүнэн, кинилэр тапталларыгар бигэнэн нус-бааччы олорор. Ытык киһибитин Татьяна Июдовнаны 90 сааһын томточчу туолбутунан ис сүрэхтэн эҕэрдэлиибит. Баҕарабыт эйиэхэ чэгиэн доруобуйаны, дууһан туоххаһыйбатын, сүрэҕиҥ хомойботун, үгүс үөрүүлээх, дьоллоох- соргулаах уһун үйэни, нус- хас олоҕу.
Татьяна Попова, бибилэтиэкэ үлэһитэ