Нөөрүктээйи саҥа көлүөнэ бибилэтиэктин сэбиэдиссэйэ Нина Колосова
Алтынньы 12 күнүгэр Нөөрүктээйигэ нэһилиэгэр Педагогическэй үлэ бэтэрээнэ, олохтоох ааптар Мотрена Евдокимовна Шишигина хоһоонунан ааттаммыт “Маҥан халааттаах аанньаллар” кинигэ сүрэхтэниитэ буолан ааста.
Устуоруйаттан кэпсээтэххэ, 1912 с. Ой Бэскэ тутуллубут Никаноровскай таҥара дьиэтигэр балыыһа баар эбит. Бу туһунан СӨ Национальнай бибилэтиэкэтин ахыыбыттан краевед Рудольф Карлович Михайлов 2023 с. тахсыбыт «Нөөрүктээйилэр, Павловскайдар» кинигэ бастакы чааһыгар суруйбут. ”В селении есть больница. В амбулатории с начала года по 15 марта с.г. больных было 554 и повторных посещений до 600. Регистрация больных ведется в карточной системе. Медикаментов достаточно, замечен недостаток в хирургических инструментах. Амбулатория помещается в наемном здании, содержится в отличном порядке, благодаря заботам врача. Нет лечебницы для стационарных больных. Врачу 6-го участка коллежскому советнику Бику за образцовый порядок, найденный мною во вверенной ему амбулаторной лечебнице, объявляю благодарность. Для лечения больных в стационарной лечебнице является необходимость в постройке собственного здания. Предполагающая быть же возбудить ходатайство об ассигновании кредита на постройку этой лечебницы я предложил врачу Бику представить описание местности, избранной для постройки лечебницы. Местность эта около Нерюктейской церкви, в версте от Павловского селения мною в присутствии О.И. д. Врачебного инспектора, была осмотрена и признана вполне удобной. Губернатор: Крафт/Нац. Библ. РС (Я). “Якутские Областные ведомости” от 29 марта 1912 г. № 13.»
Биир санаанан үлэлиир Павловскай врачебнай амбулатория улууска биир бастыҥ үлэлээҕинэн биллэр, иллээх дьоҕус кэлэктиип ыарахаттартан толлубакка нэһилиэнньэ туруга чөл буоларыгар араас өрүттээх үлэни ыытар. Нэһилиэк уопастыбаннай олоҕуттан туора турбакка бары тэрээһиннэргэ, күрэхтэһиилэргэ актыыбынайдык кыттар холобурга сылдьар. Кинигэ тахсыытыгар олохтоох дьаһалта (баһылык Н.Г.Федоров) үбүнэн-харчынан көмөлөстө.
Кинигэ иккис чааһыгар Хомустаахтааҕы сэллиги эмтиир балыыһа үлэһиттэрин туһунан матырыйаалы доруобуйа харыстабылын бэтэрээнэ, СӨ доруобуйа харыстабылын туйгуна Августа Тимофеева бэлэмнээн оҥордо. Олохтоох балыыһа сэбиэдиссэйинэн уһуннук үлэлээбит үрдүкү категориялаах быраас, СӨ доруобуйа харыстабылын туйгуна, Нөөрүктээйи нэһилиэгин Бочуоттаах олохтооҕо Галина Никанорова кинигэ туһунан маннык кэпсиир: ”Кинигэҕэ өр сыллар усталарыгар үлэлээн ааспыт уонна үлэлии сылдьар дьон сыралаах үлэлэрэ, ситиһиилэрэ, эмтэммит дьон ахтыылара хомуллан оҥоһулунна. Кинигэ тахсыытыгар үлэлэспит Виктория Васильевна Николаеваҕа уонна Светлана Павловна Сивцеваҕа улахан махталбын тиэрдэбин. Үйэлэрин тухары бииргэ үлэлээбит быраастар, биэлсэрдэр, сиэстирэлэр онтон да атын идэлээхтэр ахтыылара дьоҥҥо-сэргэҕэ, чугас дьонноругар, оҕолоругар, олохтоохторго үтүө өйдөбүл буолла. Биһиги үрүҥ халааттаах аанньалларбыт, күндү кэллиэгэлэрбит бэйэлэрин кэрдиис кэмнэрин сурукка тиһэн, киэҥ араҥаҕа таһааран, кэнэҕэски кэлэр ыччаттарга үтүө холобур буолуо диэн эрэнэбит”.
Үрүҥ аанньалларбытыгар
Матрена Шишигина
Күндү үрүҥ аанньалларбыт
Эҕэрдэлиибит үтүө күҥҥүтүнэн
Үлэҕит, эйэҕэс сыһыаҥҥыт
Кэпсэнэр үтүө түгэҥҥитинэн.
Дьон-сэргэ кэскилин түстэһэр,
Доруобуйатын харыстыыр,
Ыарахан кэмҥэ өрөһүйэр,
Эһиги буолаҕыт, эмчиттэр.
Эһиэхэ эрэ сүгүрүйэн,
Барҕа махталбытын этэбит.
Күөх сайын сибэккитин угун
Дьоһун күҥҥэ бэлэхтиибит.
Үөрүүгүтүн бары үллэстэн,
Этэбит тыл киэнин бастыҥын.
Үтүө аналлаах үлэҕитин
Үрдүктүк тутабыт өрүүтүн.
Үрүҥ халааттаах аанньалларбыт
Күүһүрдүн куппутун-сүрбүтүн.
Үрдүк халлаантан чаҕыл күммүт
Эһиэхэ күлүмнүү күндээрдин!
