Эһигини барыгытын Аҕа дойдуну көмүскээччилэр күннэринэн улууспут үлэһит дьонун, салалта уонна дьокутааттар Сэбиэттэрин ааттарыттан эҕэрдэлиибит!
Бүгүн биһиги Ийэ дойдубут туһугар олохторун кэрэйбэккэ киирсибит буойуттарбыт албан ааттарыгар сүгүрүйэр, эйэлээх олоҕу көмүскүүргэ өрүү бэлэм, хорсун санаалаах дьоммутун чиэстиир күммүт.
Хайа да кэмҥэ эр киһи төрөөбүт дойдутун, дьиэ кэргэнин, бар дьонун көмүскэлигэр турар, суон дурда, халыҥ хахха, бигэ тирэх буолар аналлаах бу орто дойдуга кэлэр. Ону Аҕа дойду Улуу сэриитигэр хорсуннук охсуспут буойуттарбыт, тыылга үлэни өрө тутан Кыайыыны уһансыбыт ытык дьоммут, бүгүҥҥү күҥҥэ анал байыаннай дьайыыга кырдьык иһин, эйэлээх, дьоллоох олох туһугар туруулаһа сылдьар эр санаалаах, хорсун майгылаах биир дойдулаахтарбыт туоһулууллар.
Бүгүн биһиги араас кэмнэргэ Ийэ дойдуларын туһугар дьоруойдуу киирсибит аҕа көлүөнэ дьоммут, буойуттарбыт үтүөлэрин ытыктаан, кэлэр көлүөнэлэрбитигэр тиэрдэр сыаллаах үлэни-хамнаһы ыытар, дойдубутун салгыы сайыннарар ытык иэстээхпит. Дьоруойдарбытынан киэн туттабыт, махтанабыт, сүгүрүйэбит!
Күндү доҕоттор! Баҕарабыт хас биирдиигитигэр чэгиэн туругу, уҕараабат уоҕу, ситиһиилэри, дьиэ кэргэҥҥитигэр истиҥ сыһыаны, дьолу-соргуну, эйэлээх халлааны. Өрүү кыайыы көтөллөөх, самныбат саргылаах буолуҥ!
Эҕэрдэни кытта,
Улуус баһылыга Д.И. Тихонов,
Улуус дьокутааттарын Сэбиэтин бэрэссэдээтэлэ
И.И. Андросов