Харатааҕы 285 N-дээх быыбардыыр учаастакка Арассыыйа Бэрэсидьиэнин быыбарыгар тиһэх куоластаабыт киһинэн Павел Дмитриев буолла. Кини уһун айаҥҥа сылдьар суоппар бүгүн киэһэ Владивосток куораттан дойдутугар айаннаан кэлэн тута быыбар учаастагар 19 чаас 58 мүн. тиийэн быыбар түмүктэниэн эрэ иннинэ кыл-мүччү куоластаата. Павел ыраах айантан быыбарга ыксаан иһэрин кэргэнэ, оскуола учуутала Ньургустаана Алексеевна учаастакка биллэрэн ханна кэлбитин биллэрэн испит. Онон быыбар түмүктэнэрэ икки мүнүүтэ эрэ хаалбытын кэннэ нэһилиэк төрүт олохтооҕо Павел Дмитриев гражданскай иэһин толорон сүргэтэ көтөҕүлүннэ.
Бу туһунан нэһилиэк баһылыга Дария Назароваттан иһиттибит.
Хара нэһилиэгэр барыллаан ааҕыынан быыбарга испииһэккэ киирбит 891 киһиттэн 744-дэ кытынна. Ити 83,5 бырыһыаҥҥа тэҥнэстэ.
