Сэтиннньи 1 күнүгэр инсульт ыарыыны утары охсуһар Аан дойдутааҕы күн чэрчитинэн Майа сэлиэнньэтигэр «Поликлиникаҕа киэһэ» аахсыйа ыытылынна.
Бу күн улуустааҕы поликлиника бары үлэһиттэрэ, онколог, кардиолог, офтальмолог быраастар, о.д.а. исписэлиистэр, Дьокуускайтан кэлбит невролог быраас, дьон үлэлээн баран киэһэтин доруобуйаларын көрдөрүннүннэр диэн, 16 чаастан 21 чааска диэри кинилэр доруобуйаларын туругун көрдүлэр.
Кэлбит дьон регистрацияны ааһан, араас ыарыыны быһаарар хаан анаалыһын бары көрүҥүн туттардылар, УЗИ-га түстүлэр. Салгыы быраастарга киирэр уочаракка олорор бириэмэлэригэр улахан экраҥҥа араас ыарыыттан харыстанарга, сэрэхтээх буоларга туһуланар видеороликтары көрдүлэр, араадьыйанан лиэксийэлэри иһиттилэр.
«Аахсыйаҕа барыта 210 киһи доруобуйаларын кэлэн көрдөрдүлэр», — диэн биһиэхэ ыарыыны сэрэтии үлэтин сүрүннүүр быраас Ирина Маркова иһитиннэрдэ.
Иван Лукин.
