В.Н.Оконешников аатынан Павловскай орто оскуолатын 8 «а» кылаас үөрэнээччилэрэ Р.И.Брызгалов аатынан Тырааныспар техникумҥа идэҕэ туһаайар экскурсияҕа сырыттыбыт. Манна техникум ханнык идэ көрүҥэр үөрэтэрин көрдүбүт, иһиттибит. Машинистар, бортпроводниктар, буойас хайысхатын салайар дьуһуурунай бөлөх хайдах үлэлииллэрин кэпсээбиттэрэ. Буойас чаастарын, арааһын, хайдах үлэлиирин сиһилии быһаарбыттара. Арааһынай макеттар бааллар эбит, ону тэҥэ эрчийэр анал массыыналар. Бортпроводниктар, машинистар хамнастара үчүгэй эбит. Уолаттар ордук сэргии иһиттилэр.
Техникумҥа өссө сварщик идэтин баһылыахха сөп эбит.
Устудьуоннарга аналлаах араас элбэх куруһуоктар үлэлииллэр эбит. Ол курдук, медиа-киин, ырыа, үҥкүү. Маны таһынан араас элбэх секцияҕа дьарыктаналлар эбит. Бокса, тустуу, сүүрүү. Эһиил техникумҥа IT-куб эбии үөрэхтээһин арылларын биллибит. Араас аныгы технологияны баһылыыр идэлэргэ үөрэтиэхтэрэ.
Биһиги оҕолор барытын олус сэргии көрдүбүт-иһиттибит.
Матросова Уля,
В.Н.Оконешников аатынан Павловскай орто оскуолатын медиа киинэ
