Олунньу 8 күнүгэр Аллараа Бэстээххэ Саха Өрөспүүбүлүкэтин Үөрэҕириигэ уонна наукаҕа миниистирэ Нюргуна Соколова оробуочай бөлөҕүнэн кэлэ сырытта.
Улуус бары оскуолаларын дириэктэрдэрин, оҕо уһуйааннарын салайааччыларын кытта үлэ хаамыытынан көрүстэ. Мунньахха сүрүннээн үс боппуруос көрүлүннэ.
2012 сылтан «Сетевой город» бырагырааманан үлэлиир. Ол бырагыраамаҕа эбии МСОКО (муниципальная система оценка качества образования) диэн киллэриллээри турар эбит. Ол киирдэҕинэ үөрэнээччи ханнык тиэмэни өйдөөбөтөҕө, ханна хаалбыта көстөр буолуохтаах.
Интэриниэт ситимигэр онлайн нөҥүө уруок ыытарга бары өттүнэн табыгастаах диэн «Сферум» платформаны талбыттар. Арассыыйа Бэрэсидьиэнэ В.В.Путин маннык платформалар үөрэхтээһин сайдыытыгар улахан оруоллаахтарын, оҕо төрөппүтүттэн сайдыы өртүнэн урутаан иһиэхтээҕин бэлиэтээбитэ. Москваттан «Сферум» ИКОП дириэктэрэ Рубен Акопов куораттан көтөн кэлэн, платформаны сиһилии сырдатта, кэпсээтэ. «Пушкинскай картаҕа» ханыылыы «Карта жителя Якутии» диэн баар буолбут. Картанан куоракка оптуобус сырыытыгар устудьуоннарга, элбэх оҕолоох ыалга, биэнсийэлээхтэргэ чэпчэтии көрүллэр эбит. Карта туһунан «Алмазэргиэнбаан» биисинэскэ департаменын дириэктэрэ Саргылана Бойлохова сырдатта.
Түмүккэ Нюргуна Афанасьевна Мэҥэ Хаҥаласка үөрэҕирии төрүттэммитэ 150 сылынан мунньах кыттыылаахтарын эҕэрдэлээтэ. Салгыы миниистир Аллараа Бэстээх оскуолаларыгар сырытта.
Елизавета НЕУСТРОЕВА.
